Ĩsomo ya 15

Kũtethya Angĩ Meke Kwenda kwa Ngai

Nĩkĩ ũtavye ala angĩ ĩũlũ wa maũndũ ala ũkwĩmanyĩsya? (1)

Ũtonya kũaĩa aaũ ũvoo mũseo? (2) Mũendele waku ũtonya kwĩthĩwa na wumĩlo mwaũ ĩũlũ wa ala angĩ? (2)

Nĩ ĩndĩĩ ũtonya kũtavanʼya vamwe na yũmbano? (3)

1. Kũvikĩa yuyu nĩwĩmanyĩĩtye maũndũ maingĩ maseo kuma nthĩnĩ wa Mbivilia. Ũmanyi ũsu waĩlĩtwe nĩ kũũtongoesya wĩanĩthye ũmũndũ wa Kĩklĩsto. (Aeveso 4:22-24) Ũmanyi ũsu nĩ wa vata vyũ nĩ kenda ũkwate thayũ ũtathela. (Yoana 17:3) Ĩndĩ, ala angĩ o nao me na vata wa kwĩwʼa ũvoo mũseo nĩ kenda o nao matonye kũvonokwʼa. Aklĩsto onthe ma wʼo no nginya maumĩsye andũ ala angĩ ũkũsĩ. Ũsu nĩ mwĩao wa Ngai.—Alomi 10:10; 1 Akolintho 9:16; 1 Timotheo 4:16.

2. Nũtonya kwambĩĩa kwa kũaĩa ala me vakuvĩ naku maũndũ ala maseo ũkwĩmanyĩsya. Matavanʼye kwa andũ ma mũsyĩ waku, anyanyau, aendi ma sukulu ĩmwe naku, na athũkũmi ala angĩ. Ĩthĩwa wĩ na kanee na weteelo ũte kĩvya yĩla ũkwĩka ũu. (2 Timotheo 2:24, 25) Na lilikana kana mavinda maingĩ andũ masyaasya mũendele wa mũndũ kwĩ ũndũ methukĩĩasya ũndũ ũkwasya. Kwoou mũendele waku mũseo nũtonya kũkusya andũ ala angĩ methukĩĩsye ũtũmani ũla ũũmatavya.—Mathayo 5:16; 1 Vetelo 3:1, 2, 16.

3. Ĩtina wa ĩvinda ĩna, nũtonya kwaĩla kwambĩĩa kũtavanʼya wĩ vamwe na yũmbano ya kwenyu ya Ngũsĩ sya Yeova. Yĩu nĩ ĩtambya ya vata maendeeonĩ maku. (Mathayo 24:14) Wĩthĩwa wĩ ũndũ wa ũsanzamũkya ata ũneethĩwa ũtonya kũtethya mũndũ mũna atwʼĩke mũthũkũmi wa Yeova na aikwata thayũ ũtathela!—1 Athesalonika 2:19, 20.