Watchtower LIBRARY INDANETINĨ
Watchtower
LIBRARY INDANETINĨ
Kikamba
Ũ
  • ũ
  • Ũ
  • ĩ
  • Ĩ
  • MBIVILIA
  • MAVUKU
  • MAŨMBANO
  • T-26 ĩth. 1-6
  • We No Wende Kũmanya Mbivilia Mũnango?

Vai vitio ya kĩla wanyuva.

Vole, ve thĩna waumĩla.

  • We No Wende Kũmanya Mbivilia Mũnango?
  • We No Wende Kũmanya Mbivilia Mũnango?
  • Syongo Nini
  • Ũvoo Ũngĩ ta Ũũ
  • Nĩkĩ Nĩtwaĩlwe Nĩ Kũsoma Mbivilia?
  • Ũtethyo wa Kũelewa Nĩ Mbivilia
  • We No Wende Kũtũmĩa Ĩvinda Kĩla Kyumwa Nĩ Kana Ũelewe Nĩ Mbivilia?
  • Nũũthokwʼa Wĩmanyĩsye
  • Mũvango wa Kwĩmanyĩsya Mbivilia Kwondũ wa Andũ Onthe
    Mũsyaĩĩsya Yĩtavanasya Ũsumbĩ wa Yeova—2015
  • Mũvango wa Ngũsĩ sya Yeova wa Kũmanyĩsya Andũ Mbivilia Ũtwaĩĩawʼa Ata?
    Makũlyo Makũlawʼa Mavinda Maingĩ ĩũlũ wa Ngũsĩ sya Yeova
  • We Nowende Kũmanya Ũla Wʼo?
    We Nowende Kũmanya Ũla Wʼo?
  • Mosũngĩo Ma Makũlyo Ma Mbivilia
    Mũsyaĩĩsya Yĩtavanasya Ũsumbĩ wa Yeova—2013
Ũvoo Mwingangĩ
We No Wende Kũmanya Mbivilia Mũnango?
T-26 ĩth. 1-6

We No Wende Kũmanya Mbivilia Mũnango?

Nĩkĩ Nĩtwaĩlwe Nĩ Kũsoma Mbivilia?

MBIVILIA yĩ kĩvathũkanyʼo na mavuku ala angĩ onthe nĩkwĩthĩwa yo yĩna momanyĩsyo ma wendo kuma kwa Ngai. (1 Athesalonika 2:13) Ũkaunĩka mũno ethĩwa ũkaatĩĩa momanyĩsyo ma Mbivilia. Wendo waku kwa Ngai ũkongeleka na ũimũthengeea Mũnengani wa “kĩla kũnengwa kũseo na kĩla kũnengwa kwĩthĩanĩu.” (Yakovo 1:17) Ũkamanya ũndũ ũtonya kũmũvoya. Ĩvinda ya mathĩna Ngai akaũtetheesya. Ethĩwa ũkekala kwosana na momanyĩsyo ma Mbivilia, Ngai akaũnenga thayũ ũtathela.—Alomi 6:23.

Mbivilia yĩna wʼo ũla ũtũnengae ũmanyi. Ala memanyĩasya Mbivilia nĩmathaawʼa kuma ũkombonĩ wa momanyĩsyo mate ma wʼo ala maatĩĩawa nĩ andũ aingĩ. Kwa ngelekanyʼo, kũmanya ũndũ ũla wĩthĩawa yĩla twakwʼa nĩkũtumaa tũtethĩwa na wʼia wa kwona kana mũkwʼũ nũtonya kũtwĩka ũndũ mũthũku, kana andũ ma mũsyĩ na anyanya ala makwʼie nĩmeũthĩna. (Mũtavyanʼya 9:5, 10) Ũmanyĩsyo wa Mbivilia ĩũlũ wa ũthaayũkyo nũmakiakiasya ala makwʼĩĩwe nĩ endwa moo. (Yohana 11:25) Kũmanya ũla wʼo ĩũlũ wa alaĩka athũku nĩkũtũtetheeasya kũmanya maũndũ mathũku ala matonya kumana na kũneenanyʼa na maveva, na kũmanya nĩkĩ kwĩ mathĩna maingĩ ĩũlũ wa nthĩ.

Momayĩsyo ma Ngai ala maandĩkĩtwe Mbivilianĩ nĩmatwonasya ũndũ tũtonya kwĩkala kwa nzĩa ĩla ĩtonya kũtũuna. Kwa ngelekanyʼo, kwĩthwa twĩna na ‘wĩtingʼo’ nĩkũtũtetheeasya kwĩthĩwa na mĩĩ mĩseo. (1 Timotheo 3:2) Kwa ‘kwĩthesya ene ũvuku wʼonthe wa mwĩĩ na wa ngoo,’ nĩtwĩvathanaa na syĩndũ ila itonya kũtuma tũtethĩwa na mwĩĩ mũseo. (2 Akolintho 7:1) Kwĩwʼa ũtao wa Ngai ũla wĩ Mbivilianĩ ona kwʼo nĩkũtumaa mũtwaano witũ wĩthĩwa na ũtanu na kwĩnenga ndaĩa.—1 Akolintho 6:18.

Waatĩĩa Ndeto ya Ngai ũkeethĩwa na ũtanu mwingĩ. Ũmanyi wa Mbivilia nũtũtetheeasya kwĩthĩwa na mũuo na kwĩanĩwa na nũtũnengae wĩkwatyo. Nũtũtetheeasya kwonanyʼa ndaĩa sya ĩnee, wendo, ũtanu, mũuo, kwĩka angĩ nesa, na mũĩkĩĩo. (Akalatia 5:22, 23, NW; Aeveso 4:24, 32) Ndaĩa isu nitũtetheeasya kwĩthĩwa mũũme mũseo kana kĩveti kĩseo, ĩthe mũseo kana inyʼia mũseo, mwana mũseo kana mwĩĩtu mũseo.

We nĩwĩkũlasya ĩvinda yĩla yũkĩte yĩkeethĩwa yĩilyĩ ata? Wathani wa Mbivilia nũtwonasya kana ĩvinda yitũ nĩ ya vata mũno kuma yĩla mũndũ weethĩiwe vo. Wathani nũeleasya maũndũ ala maendee kwĩkĩka ĩũlũ wa nthĩ ũmũnthĩ ona nũtwonasya kana o mĩtũkĩ Ngai akatwĩkĩthya nthĩ ĩno valandiso.—Ũvuanʼyo 21:3, 4.

Ũtethyo wa Kũelewa Nĩ Mbivilia

Nĩvatonyeka ũkethĩwa waatata kũsoma Mbivilia ĩndĩ ũkethĩa yĩ vinya mũno kũmĩelewa. Nĩvatonyeka ũkethĩa ndwĩsĩ ũtonya kũsoma va Mbivilianĩ nĩ kana ũkwate mosũngĩo ma makũlyo maku. Tuue wĩ weka ũtatonya kũkwata mosũngĩo asu. Ithyonthe twĩna vata wa kũtetheewʼa nĩ kana tũmanye Ndeto ya Ngai. Ngũsĩ sya Yeova, ila syonekaa nthĩ ivika 235, nimanyĩasya andũ Mbivilia vate ndĩvi. Syo ikatana kũkũtetheesya.

Nũseo kwĩmanyĩsya Mbivilia kwa kũendeea, ũkyambĩlĩĩlya na maũndũ ala mavũthũ. (Aevelania 6:1) Waendeea na kwĩmanyĩsya Mbivilia ũkatonya kũya “lĩu mũmũ”—kana, momanyĩsyo maitango ma ũla wʼo. (Aevelania 5:14) Mbivilia yoka noyo ĩmanyĩasya ũla wʼo. Mavuku ala maandĩkĩtwe kũelesya Mbivilia, ta kavuku ketewa Ngai Endaa Twĩke Ata?, makaũtetheesya ũmanye ũndũ Maandĩko maasya ĩũlũ wa maũndũ kauta.

We No Wende Kũtũmĩa Ĩvinda Kĩla Kyumwa Nĩ Kana Ũelewe Nĩ Mbivilia?

Mũvango nũtonya kũvangwa wĩmanyĩsye Mbivilia kwosana na saa na vandũ vala wĩwʼa wĩ mwĩanĩe. Andũ aingĩ memanyĩasya mĩsyĩnĩ kwoo. Mũvango wa kwĩmanyĩsya ndũvwʼana ta masomo ma kĩlasinĩ vala andũ masomaa me aingĩ. Mũvango nũtonya kũvangwa wĩmanyĩsye kwosana na ĩvinda yĩla ũtonya kwoneka na kwosana na ũmanyi na kĩsomo kyaku. Ĩmanyĩsyo yĩu yĩyĩthĩawa na mĩtiani kana mũndũ kũsonokwʼa. Makũlyo maku ma Mbivilia makasũngĩwa, na ũkeemanyĩsya ũndũ ũtonya kũmũthengeea Ngai.

Vai vata wa kuĩva mbesa nĩ kana ũmanyĩwʼe Mbivilia. (Mathayo 10:8) Andũ ma ndĩni syonthe ona ala mate ma ndĩni nĩmatonya kũmanyĩwʼa vate ndĩvi ethĩwa nĩmekwenda kwa ngoo ntheu kwongela ũmanyi woo wa Ndeto ya Ngai.

Nũũ ũngĩ ũtonya kwĩmanyĩsya? Andũ onthe ma mũsyĩ waku. Ona noũmathokye anyanyau. Kana wenda nũtonya kwĩmanyĩsya wĩ o weka.

Andũ aingĩ nĩmosaa mwanya wa ĩsaa o yĩmwe kĩla kyumwa memanyĩsye Mbivilia. Ethĩwa wĩna masaa maingangĩ kana ona ethĩwa masaa ala ũtonya kwona ti maingĩ, Ngũsĩ sya Yeova nĩsyĩyumĩtye kũũtetheesya.

Nũũthokwʼa Wĩmanyĩsye

Nĩtũũkũthokya ũmanthe Ngũsi sya Yeova. Nzĩa ĩmwe ya kwĩka ũu nĩkũmaandĩkĩa valũa kwa kũtũmĩa anuani ii syĩ vaa ĩtheo. Mĩvango ĩkavangwa nĩ kana ũmanyĩwʼe Mbivilia vate ndĩvi.

□ Ndũmĩei kavuku kaa, Ngai Endaa Twĩke Ata? Onanyʼa kĩthyomo kĩla ũkwenda.

□ Nĩngũmũkũlya mũke kwakwa mũmanyĩsye Mbivilia vate ndĩvi.

    Kikamba Publications (1950-2025)
    Uma
    Lika Nthĩnĩ
    • Kikamba
    • Tũma
    • Mũvangĩle ũla ũkwenda
    • Copyright © 2025 Watch Tower Bible and Tract Society of Pennsylvania
    • Mĩao ya Kũtũmĩa
    • Ũvoo Waku wa Kĩmbithĩ
    • Mpangilio wa Faragha
    • JW.ORG
    • Lika Nthĩnĩ
    Tũma