Maelesyo ma Kĩlungu kya 6

Yĩla Aisilaeli mesie kũvika Nthĩ ya Watho, mamũthaithĩaa Yeova yĩla ĩeemanĩ. Athembi nĩmamanyĩasya andũ ma Isilaeli Mĩao, namo asili maimatongoesya. Kĩlungu kĩĩ kĩonanyʼa ũndũ motwi kana meko ma mũndũ makonetye andũ ala angĩ. Kĩla Mũisilaeli aaĩle kũsũvĩa ngwatanĩo yake na Yeova na ya Aisilaeli ala angĩ. Weta ũndũ Ndevola, Naomi, Yosua, Aana, mwĩĩtu wa Yevitha, na Samueli matetheeisye Aisilaeli na ũndũ maĩ ngelekanyʼo nzeo. Kindĩlĩĩla kana o na andũ amwe mataĩ Aisilaeli ta Laavi, Luthi, Yaeli, na andũ ma Ngiveoni, nĩmanyuvie kwĩthĩwa ngalĩ ya Aisilaeli nũndũ nĩmeesĩ kana Ngai e vamwe na Aisilaeli.