Maelesyo ma Kĩlungu kya 11

Kĩlungu kĩĩ kĩ na maelesyo ĩũlũ wa ũvoo ũla wĩ nthĩnĩ wa Maandĩko ma Kĩkiliki ma Kĩklĩsto. Yesũ asyaiwe nĩ asyai mate athwii na mekalaa ndũanĩ ĩtaĩ nene. Athũkũmaa wĩa wa mbwaũ e na ĩthe wake. Yesũ nĩwe waĩ atangĩĩe andũ. O na ĩngĩ, Yeova nĩwamũnyuvĩte ethĩwe Mũsumbĩ wa Ũsumbĩ wa ĩtunĩ. Ethĩwa wĩ mũsyai, tetheesya mwana waku aelewe kana Yeova atũmĩie ũĩ mwingĩ kũnyuva mũsyĩ ũla Yesũ waĩ asyaĩwe na vala waĩ eanĩe. O na ĩngĩ, ĩmanyĩsye ũndũ Yeova wasũvĩie Yesũ ndakoawe nĩ Elote na ũndũ tũtonya kwĩmanyĩsya kana vaiĩ kĩndũ kĩtonya kũsiĩĩa kĩeleelo kya Yeova. O na kĩlungu kĩĩ nĩkĩeleetye ũndũ Yeova wamũnyuvie Yoana nĩ kana aseũvye nzĩa kwondũ wa Yesũ. Kindĩlĩĩla ũndũ Yesũ woonanisye kana nĩwendete kũatĩĩa ũĩ wa Yeova o na kuma e kana kanini.