ĨKASETI YA KWĨMANYĨSYA

ILUNGU SYA KWĨMANYĨSYA

▪ Ala Mamwendete Yeova “Mati na Ũndũ wa Kũmalulutĩkya”

Aklĩsto onthe methĩawa masembete nĩ kana mekwata thayũ ũtathela. Ĩndĩ, ithyonthe nĩtũlulutĩkaa, nũndũ tũi eanĩu. Kĩlungu kĩĩ nĩkĩũtũtetheesya kũmanya maũndũ atano ala matonya kũtuma tũlulutĩka. O na ĩngĩ, nĩkĩkũelesya ũndũ tũtonya kwĩvathana namo nĩ kana tũsinde.

▪ We wĩ na ‘Ngoo ya Kũmũmanya’ Yeova?

Ĩvuku ya Yelemia nĩyĩneeneete mũno ĩũlũ wa ngoo. Kĩlungu kĩĩ nĩkĩũtũtetheesya kũmanya ‘ngoo ĩte mbaĩke’ nĩ kyaũ, na nĩkĩ ngoo ya mũthemba ũsu ĩtonya kũete mũisyo o na kwa Mũklĩsto. O na ĩngĩ, nĩkĩeleetye ũndũ tũtonya kwĩthĩwa na ‘ngoo ya kũmũmanya’ Yeova.—Yel. 9:26; 24:7.

▪ Nũndũ ‘Nĩtwamũmanyie Ngai’ Twaĩle Kwĩka Ata?

Nĩ matambya meva mũndũ waĩle kwosa nĩ kana amũmanye Ngai na Ngai aimũmanya? Nĩkĩ mũndũ waĩle kũendeea kwĩana mũĩkĩĩonĩ o na atwʼĩka Mũklĩsto mũimu, na atonya kwĩka ũu ata? Kĩlungu kĩĩ nĩkĩũkũtetheesya kũsũngĩa makũlyo asu.

▪ Yeova Nĩwe Ũtũo Witũ

O na kau twĩkalaa na andũ matamwĩsĩ Ngai, tũyaĩle kũkĩa. Kĩlungu kĩĩ nĩkĩeleetye kana Yeova Ngai nĩwe ũtũo witũ.

▪ Taĩa Ĩsyĩtwa Ĩnene ya Yeova

Nĩ kyaũ kyonanawʼa nĩ kwĩtanĩwʼa na ĩsyĩtwa ya Yeova? Kwĩkala kwosana na ĩsyĩtwa yĩu nĩ kwĩka ata? Na Yeova amonaa ata ala mavũthasya ĩsyĩtwa yake? Kĩlungu kĩĩ nĩkĩũtũtetheesya kũsũngĩa makũlyo asu.