Nĩtũtonya kwĩkala twĩ andũ me mũvea ethĩwa tũkasũanĩaa mũno moathimo ala tũkwatĩte na tũimũtũngĩaa Yeova mũvea nũndũ wamo. Kĩu kĩkatũtetheesya tũmĩĩsye matatwa na tũikaaĩse kũlwa nĩ kũtũnga mũvea. Ĩandĩko yitũ ya 2015 yĩkatũlilikanasya kĩu mwaka w’onthe.

▪ Nĩkĩ Tũlilikanaa Mũthenya wa Kyaũya kya Wĩoo kya Mwĩaĩi?

Kĩlungu kĩĩ nĩkĩeleetye nesa nĩkĩ twaĩle kũlilikana kĩkw’ũ kya Yesũ. Nĩkĩwetete kĩmũtũ na mbinyu ila itũmĩawa ĩvinda yĩu syonanasya kyaũ, na kĩkaelesya ũndũ mũndũ ũtonya kũmanya ethĩwa nĩwaĩle kana ndaĩle kũya na kũnyw’a syĩndũ isu. O na nĩkĩũtũtetheesya twone ũndũ kĩla ũmwe witũ ũtonya kwĩyũmbanĩsya Kyaũya kya Wĩoo kya Mwĩaĩi.

▪ Mũtonya Ata Kũlũlũmĩlya na Kũtanĩa Mũtwaano Wenyu?

▪ Mwĩtĩkĩlyei Yeova Alũlũmĩlye na Aisũvĩa Mũtwaano Wenyu

Ala matwaanĩte nĩmatataa kũsindana na mathĩna na matatwa o na kau maendeee kwongeleka. Ĩndĩ kwa vinya wa Yeova, andũ no malũlũmĩlye na makatanĩa mũtwaano woo. Kĩlungu kĩu kya mbee kĩeleetye maũndũ atano ala matonya kũlũlũmĩlya mũtwaano wĩthĩe ndũkanangĩka, na kĩkaweta ũndũ ũmwe ũtonya kũtuma maũndũ asu atano matethya wĩa nesa. Kĩlungu kya kelĩ nĩkĩeleetye ũndũ ala matwaanĩte matonya kwĩka mũtwaano woo ndũkanangwe nĩ mwĩkalĩle mũthũku.

▪ Wendo Ũtanyivaa no Woneke?

Wendo wa w’o katĩ wa mũndũũme na mũndũ mũka wĩthĩawa ũilyĩ ata? Wendo ũtanyivaa no woneke? Ũtonya kũmanya ata kana mũndũ nũkwendete kya w’o? Wathi wa Solomoni nũtũeleetye ĩũlũ wa wendo ũla ũtanyivaa.

ŨVOO ŨNGĨ ĨKASETINĨ YĨĨ

3 Nĩmeeyumisye Mo Ene na Ngenda—New York

ĨTHANGŨ YA MBEE: Andũ me Grindelwald, me mbee wa iĩma sya Bernese Alps, maitavany’a makwete Mbivilia

SWITZERLAND

ŨTALO WA ANDŨ

7,876,000

ŨTALO WA ATAVANY’A

18,646

ALA MAĨ ŨMBANONĨ WA KŨLILIKANA KĨKW’Ũ KYA YESŨ (2013)

31,980