Walanyʼo Kyumwanĩ kya Matukũ 7 Mwei wa 1

KYUMWA KYA MATUKŨ 7 MWEI WA 1, 2013

Wathi 104 na Mboya

□ Ĩmanyĩsyo ya Mbivilia ya Kĩkundi:

jr kĩl. 3 ¶13-19 (Ndat. 30)

□ Sukulu ya Ũthũkũmi wa Kĩtheokulasi:

Kũsoma Mbivilia: Mathayo 1-6 (Ndat. 10)

Na. 1: Mathayo 5:21-32 (Ndũkavĩtũke ndat. 4)

Na. 2: Nĩ Kyaũ Kĩtonya Kũtuma Mboya sya Mũndũ Itetĩkĩlĩka Nĩ Ngai?​—rs-SW ĩth. 258 ¶4–ĩth. 259 ¶2 (Ndat. 5)

Na. 3: Kwĩthĩwa Yeova E “Kĩanda Kyaku” Kwonanasya Ata?​—Mot. 18:20 (Ndat. 5)

□ Ũmbano wa Ũthũkũmi:

Wathi 38

Ndat.10: Mawoni ma Kũnengane Makaseti Mweinĩ wa 1. Ũvoo na maelesyo ma ethukĩĩsya. Tũmĩa sekendi 30 nginya 60 kũelesya nĩkĩ makaseti aa matonya kwendeesya andũ kĩsionĩ kyenyu. Na ĩndĩ, ũitũmĩa ũvoo ũla wĩ mwambĩĩonĩ wa ĩkaseti ya Mũsyaĩĩsya, thokya ethukĩĩsya mawete ĩkũlyo yĩtuma mũndũ endeewʼa yĩla matonya kũkũlya, na ũimathokya mawete ĩandĩko yĩla matonya kũsoma. Ĩka oou ũitũmĩa ĩkaseti ya Amkeni! na, ĩvinda yeetĩkĩlya, ũineenea ũvoo ũngĩ ũmwe kuma yĩmwe ya makaseti asu. Vethĩwe na wonanyʼo wa ũndũ kĩla ĩkaseti yĩtonya kũnenganwe ũitũmĩa makaseti ma mĩtũkĩ ala me kĩkundinĩ kyaku.

Ndat. 10: Mavata ma kĩkundi.

Ndat. 10: Nyũmba ya Ũsumbĩ Ntheu Nĩmũtaĩaa Yeova. Ũvoo umwʼe nĩ mũtumĩa wa kĩkundi. Yeova nĩ Ngai mũtheu, kwoou ũtheu wa kĩ-mwĩĩ waĩlĩte kwĩthĩwa ũndũ wa vata andũnĩ make. (Kuma 30:17-21; 40:30-32) Ĩla twekalya vala tũthaithĩaa ve vatheu na ve vasũvĩe, nĩtũmũtaĩaa Yeova. (1 Vet. 2:12) Weta ũndũ wonekete kĩsionĩ kyenyu kana wĩ mavukunĩ maitũ ũkwonanyʼa ũndũ ũtheu wa Nyũmba ya Ũsumbĩ umĩtye ũkũsĩ. Kũlya mwana-a-asa ũla ũvangaa ĩũlũ wa ũtheu na kũsũvĩwa kwa Nyũmba yenyu ya Ũsumbĩ aelesye mĩvango ya ũtheu ya kĩkundi kyenyu. Ĩkĩa onthe vinya matetheesye nthĩnĩ wa kũthesya na kũsũvĩa Nyũmba yenyu ya Ũsumbĩ.

Wathi 127 na Mboya