Walanyʼo Kyumwanĩ kya Matukũ 3 Mwei wa 11

KYUMWA KYA MATUKŨ 3 MWEI WA 11

Wathi 50 na Mboya

□ Ĩmanyĩsyo ya Mbivilia ya Kĩkundi:

bh kĩl. 12 kal. 10-16 (Ndat. 30)

□ Sukulu ya Ũthũkũmi wa Kĩtheokulasi:

Kũsoma Mbivilia: Kũtũngĩlĩlwa Kwa Mĩao 14-18 (Ndat. 10)

Na. 1: Kũtũngĩlĩlwa Kwa Mĩao 15:16–16:8 (Ndũkavĩtũke ndat. 4)

Na. 2: Nĩkĩ Twĩtĩkĩlaa Kana Naĩ Nĩ Naĩ? —rs-SW ĩth. 56 ¶1–ĩth. 57 ¶1 (Ndat. 5)

Na. 3: Nĩkĩ Ve Vata wa Kũmanya Mawonanyʼo ma Mĩthenya ya Mũminũkĩlyo?—td 17B (Ndat. 5)

□ Ũmbano wa Ũthũkũmi:

Wathi 103

dat. 10: Tetheesya Syana Syĩyũmbanĩsye Ũtavanyʼa. Ũvoo na maelesyo ma ethukĩĩsya. Onanyʼa vitio Uwe Rafiki ya Yehova—Twende Tukahubiri. (Vingũa Kĩsese kya jw.org/sw na ũithi vala vaandĩkĩtwe MAFUNDISHO YA BIBLIA > WATOTO.) Kũlya syana makũlyo aa: Syana, nĩ meana mwĩ na mĩvuko ya ũtavanyʼa? Mwĩkĩaa kyaũ mĩvukonĩ yenyu ĩla mũũthi kũtavanyʼa? Nĩ kyaũ kya mbee Sophia weekĩa mũvukonĩ wake? Nĩ kyaũ kĩngĩ eĩaĩlĩte kwĩkĩa mũvukonĩ? Nĩ kyaũ kya vata mathi kwĩka e na inyia amina kwĩkĩa syĩndũ mũvukonĩ? Vethĩwe na wonanyʼo wa kana kainengane ĩkaseti. Ethĩwa vitio ĩno ndĩ vo, kũlya makũlyo asu kwosana na mavata ma syana ila syĩ kĩkundinĩ kyenyu.

dat. 10: Ũndũ Andũ Amwe Matavanasya Ndeto na Ũthangaau. Mũtumĩa wa kĩkundi ethĩwe na ũneenanyʼa vamwe na atavanyʼa elĩ kana atatũ ala mosete matambya ala maĩle kũvĩndũa mĩvango yoo nĩ kana mose ũvainia kana mongele ũthũkũmi woo. Ũiminĩĩa, neenea kwa ũkuvĩ mĩvango ya kĩkundi ya ũtavanyʼa, na ũimathuthya onthe mose matambya ala maĩle nĩ kana meyumye kũtavanyʼa na ngoo yonthe.

dat. 10: Wĩkĩte Maendeeo Maũ Ũtavanyʼanĩ? Ũvoo na maelesyo ma ethukĩĩsya. Kĩlungu kĩĩ kĩtongoewʼe nĩ mũsyaĩĩsya wa ũthũkũmi. Kũlya ethukĩĩsya maelesye ũndũ ilungu ila inaĩ na kyongo, “Ũndũ Tũtonya Kwĩthĩwa Atavanyʼa Aseo” inamatetheeisye kwĩka maendeeo ũtavanyʼanĩ. Minũkĩlĩĩlya kwa kwĩkĩa onthe vinya maendeee kũtavanyʼa na ũthangaau maitũmĩa maũndũ ala maneemanyĩisye ilungunĩ isu.

Wathi 100 na Mboya