Mĩvango Ĩtonya Ũkũtetheesya Wĩthĩwe wĩ Vainia wa Kĩla Ĩvinda

Nĩ kana wĩthĩwe wĩ vainia wa kĩla ĩvinda, no nginya wĩthĩwe na mĩvango mĩseo. Kwa kũtavanyʼa masaa 18 kwa kyumwa, no wĩthĩwe vainia, na ũkethĩwa na ĩvinda ya kũthyũmũa. Mũvango ũsu no ũkũtetheesye mavindanĩ ala vaumĩla maũndũ ũteĩtaĩĩe ta ũwau, kana ĩla kweethĩwa na mbua mbingĩ. Kyati kĩĩ kĩ vaa ĩtheo nĩkyonanĩtye maũndũ amwe matonya kũatĩĩwa nĩ atavanyʼa ala mathũkũmaa mĩthenya ĩmwe, kana ala methĩawa wĩanĩ mĩthenya yonthe, kana o ala awau na mate na vinya mwingĩ wa kĩ-mwĩĩ. Mweeka moalyũku amwe nthĩnĩ wa mũsyĩ wenyu, nĩ ũndũ ũtonyeka ũmwe wenyu akethĩwa e vainia kwambĩĩa Mwei wa 9. Mwĩona ata mũkaneenea ũndũ ũsu nthĩnĩ wa ũthaithi wa mũsyĩ ũla ũatĩĩe?