No Ũtate Kwĩka Ũndũ Ũũ Mwaka Ũmwe?

Ũtate kwĩka ata? Kwĩthĩwa wĩ vainia wa kĩla ĩvinda, nũndũ weeka ũu ũkakwata moathimo maingĩ!—Nth 10:22.

KWA KWĨTHĨWA WĨ VAINIA, NO . . .

• wĩthĩwe wĩ na ũmanyi mwingĩ na ũitanĩa ũtavanyʼa mũnango

• ũseũvĩĩsye ngwatanĩo yaku vamwe na Yeova. O ũndũ waneena na andũ angĩ mũno ĩũlũ wa Yeova, nowʼo ũkethĩawa ũtonya kũlilikana ndaĩa syake nzeo

• wĩthĩwe wĩ mwĩanĩe nũndũ wa kũvĩtya maũndũ ma Ũsumbĩ mbee na ũikwata ũtanu nũndũ wa kwĩyumya ũtetheesye andũ angĩ.—Mt 6:33; Meko 20:35

• ũthi ũmbanonĩ wa mavainia ũla wĩkawa ĩvindanĩ ya mũsyaĩĩsya wa mũthyũlũlũko, ũmbanonĩ wa mwanya ũla wĩkawa mbee wa ũmbano wa mũthyũlũlũko, na ũithi Sukulu ya Mavainia

• wĩthĩwe na myanya mingĩ ya kwambĩĩsya kwĩmanyĩsya Mbivilia na andũ aingĩ

• ũtũmĩe ĩvinda yingĩ vamwe na ana-a-asa maku, na ũitanĩa kwĩkĩana vinya namo.—Alo 1:11, 12