MWĨKALĨLE WA AKLĨSTO
Nĩ Ĩvinda Yĩva Ndonya Kwĩthĩwa Vainia Mũtetheesya?
Woni ũla Esekieli wooniwʼe wa ĩkalũ wonanasya kana athaithi ma Yeova maĩle kũmũthembea kwa ngoo ya kwenda. Tũtonya kũmũthembea Yeova nthembo sya ndaĩa ata?—Aevl 13:15, 16.
Nzĩa ĩmwe nzeo vyũ ũtonya kwĩka ũu nĩ kwĩthĩwa wĩ vainia mũtetheesya. Mwaka wa ũthũkũmi wa 2018 wĩ na myei kauta yĩ na Mawathanthatũ na Mawakyumwa atano. Ũndũ ũsu no ũtetheesye mũno andũ ala mathũkũmaa kĩla ĩvinda na mavinda maingĩ matavanasya mũthyanĩ wa kyumwa. O na ĩngĩ, atavanyʼa no manyuve kũtavanyʼa masaa 30 kana 50 mweinĩ wa 3 na wa 4, na mweinĩ ũla kĩkundi kĩthokewe nĩ mũsyaĩĩsya wa mũthyũlũlũko.
Nao nata ethĩwa tũi na ũtonyi wa kwĩthĩwa vainia mũtetheesya? Vate nzika, no tũtate ũndũ tũtonya twĩthĩwe twĩ atavanyʼa aseango na vatonyeka tũyongela ĩvinda yĩla tũtũmĩaa ũtavanyʼanĩ. O na ethĩwa twĩ na maũndũ mailyĩ ata, ekai wendo witũ kwa Yeova ũtũsukume twĩyumye kũmũthũkũma ũndũ tũtonya mwakanĩ wa ũthũkũmi wa 2018!—Osea 14:2.
Ndonya kwĩthĩwa na kĩthito ta Sabina Hernández ata?
ĨLOELEI VITIO YĨ NA KYONGO, KWA VINYA WA YEOVA, NĨNĨANĨASYA MAŨNDŨ MAINGĨ, NA ĨNDĨ MŨISŨNGĨA MAKŨLYO AA MAATĨĨE:
Nĩ ũndũ wĩva ũtumaa Sabina eanĩsya maũndũ maingĩ ũthũkũminĩ wa Yeova?
Ngelekanyʼo ya Sabina yĩkwĩkĩa vinya ata?
Mwakanĩ wa ũthũkũmi wa 2018, nĩ myei yĩva ũtonya kwĩthĩwa vainia mũtetheesya?