Ũndũ Tũtonya Kwĩthĩwa Atavanyʼa Aseo​—Kũtavanyʼa Mĩsyĩ Ĩla Yĩthĩawa na Kamela Kana Simũ Ngeitinĩ

NĨKĨ NĨ ŨNDŨ WA VATA: Nũndũ wa kwongeleka kwa ũtũli wa mĩao andũ aingĩ nĩmakĩaa kũvingũĩa andũ matamesĩ malike kwoo, kwondũ wa ũu nĩmekĩĩte kamela kana simũ ngeitinĩ. No twĩwʼe wia yĩla tũũtavya mũndũ tũtamwene ũvoo mũseo ĩndĩ we nũtwene. Maũndũ aa maatĩĩe nĩmeũtũtetheesya kumya ũkũsĩ twĩ na ũkũmbaũ mĩsyĩnĩ ĩla tweethĩa yĩ na kamela kana simũ.

ŨTONYA KWĨKA ŨU ATA?

• Ĩthĩwa na woni mũseo. Andũ aingĩ ala me na kamela kana simũ ngeitinĩ nĩmendeeawʼa nĩ kũneena naitũ

• Lilikana kana kamela imwe syambĩĩaa kwosa visa na wasya o na ũtambĩte kũkũna ngengele, na nĩvatonyeka mwene nyũmba akethĩwa aũsyaĩĩsye na ethukĩĩsye kĩla ũũweta wathengeea ngeitinĩ

• Mwene nyũmba ambĩĩa kũneena naku, neena o ũndũ ũneenaa na mũndũ mwenene. Neenea ũvoo ũla wĩĩvangĩte kũneena nake ta keka nĩwaũthokya nyũmba. Ethĩwa ve kamela ndũkathengeesye ũthyũ waku mũno kamelanĩ. Mwene nyũmba aema kwosa simũ, ndũkatie ũtũmane simũnĩ oke kwĩthukĩĩsya

• Mwamina kũneena, lilikana kana mwene nyũmba no ethĩwe akwĩthukĩĩsye kana akũsyaĩĩsye, kwoou ĩthĩwa wĩ metho ĩũlũ wa kĩla ũkwĩka kana kũneena