Mavuku Ala Monanĩtwʼe Nthĩnĩ wa Kavuku ka Ũmbano wa Mwĩkalĩle wa Aklĩsto
© 2024 Watch Tower Bible and Tract Society of Pennsylvania
MATUKŨ 6-12, MWEI WA 1
MAŨNDŨ MA VATA KUMA NDETONĨ YA NGAI SAVULI 127-134
Asyai—Endeeai Kũsũvĩa Ũtiĩwa Wenyu wa Vata Mũno
Ũthwii wa Kĩ-veva
w00 5/15 27 ¶3-5
“Ta Mĩmea ya Mĩthata”
Mũtĩ wa mũthata nĩ ngelekanyʼo nzeo mũno ya kũelesya moathimo ma Ngai. Mũndũ ũmũkĩaa Ngai aĩ atuvwe ata? Mũandĩki wa Savuli ainie asya: “Kĩveti kyaku kĩkeethĩwa ta mũsavivũ wĩ ũsyao, nthĩnĩ wa nyũmba yaku; syana syaku ta mĩmea ya mĩthata, kũthyũlũlũka mesa yaku.” (Savuli 128:3) “Mĩmea ya mĩthata” nĩ kyaũ, na nĩkĩ mũandĩki wa Savuli wamĩelekanilye na syana?
Mũtĩ wa mũthata nĩ wa mwanya mũno nũndũ nĩwumasya mĩmea [kana nthongooo] ĩtinanĩ ya wʼo. Yĩla ĩtina yĩu yakũa weethĩa yĩyĩsa kũsyaa ta tene, aĩmi no maeke nthongooo kauta syayo syĩane nginya itwʼĩke mĩtĩ mĩnene. Ĩtina wa ĩvinda, ĩtina yĩu no yĩthyũlũlũkwe nĩ nthongooo itatũ kana inya syĩ na vinya o ta syana ithyũlũlũkĩte mesa. Nthongooo isu iitũmĩa mĩi o ĩla ĩla, nisyaa ũsyao mũseo wa mĩthata.
O ũndũ mũtĩ ũsu wa mũthata umasya nthongooo, nowʼo syana itonya kwĩthĩwa na mũĩkĩĩo mũlũmu nũndũ wa mĩi mĩlũmu ya kĩ-veva ya asyai masyo. Na o ũndũ iendeee kwĩana, o nasyo nisyaa ũsyao na iitetheesya asyai masyo, ala matanaa kwona syana syoo iimũthũkũma Yeova syĩ vamwe namo.—Nthimo 15:20.
MATUKŨ 20-26, MWEI WA 1
MAŨNDŨ MA VATA KUMA NDETONĨ YA NGAI SAVULI 138-139
Ndũketĩkĩlye Wia Ũũsiĩĩe Kumya Maelesyo
Ũthwii wa Kĩ-veva
it-1 862 ¶4
Kũekea
Kwongela ũu, kũekea ala angĩ yĩla matũvĩtĩsya, o na ethĩwa matũvĩtĩsya mavinda meana ata, nĩ ũndũ Aklĩsto maĩle kwĩka. (Luk 17:3, 4; Aev 4:32; Ako 3:13) Ngai ndaekeaa ala malea kũekea andũ angĩ. (Mt 6:14, 15) Ĩndĩ o na yĩla naĩ ngito yatuma ‘mũndũ mũthũku’ avetangwa kĩkundinĩ kya Kĩklĩsto, ĩtina wa ĩvinda mũndũ ũsu no aekewe ethĩwa nĩwoonanyʼa nesa kana kwa wʼo nĩwĩlilĩte. Ĩvindanĩ yĩu, andũ onthe kĩkundinĩ nĩmaĩlĩte kwonyʼa mũndũ ũsu wendo. (1Ko 5:13; 2Ko 2:6-11) Ĩndĩ, Aklĩsto mayaĩlĩte kũekea andũ ala mekaa maũndũ mathũku na ngũlũ mate kwĩlila. Andũ ta asu matwʼĩkaa amaitha ma Ngai.—Avl 10:26-31; Sav 139:21, 22.
MATUKŨ 27, MWEI WA 1–MATUKŨ 2, MWEI WA 2
MAŨNDŨ MA VATA KUMA NDETONĨ YA NGAI SAVULI 140-143
Ĩka Kwosana na Kĩla Ũvoyete
w10 3/15 32 ¶4
Endeea Kwĩthĩwa na “Ũtheu wa Ngoo” Mavindanĩ aa Momũ
Kũthĩnwʼa nĩ ala matũvĩngaa, mathĩna ma mbesa, na mowau mathũku nĩkũtumĩte athũkũmi amwe ma Ngai makwʼa ngoo. Mavinda amwe, nĩmewʼaa maitavĩwe mũno ngoonĩ. O nake Mũsumbĩ Ndaviti nĩwakwatiwe nĩ ũndũ ta ũsu yĩla waisye: “Kwondũ wa ũu veva wakwa nũthelekele nthĩnĩ wakwa; ngoo yakwa nthĩnĩ nĩnĩkũũũya.” (Sav. 143:4) Nĩ kyaũ kyamũtetheeisye kũkĩlya vinya ũndũ ũsu? Ndaviti nĩwalilikanile ũndũ Ngai wĩthĩĩtwe aithĩnĩkĩa athũkũmi make na ũndũ we mwene weeyoneete Ngai aimũtangĩĩa. Nĩwavindĩĩasya ĩũlũ wa maũndũ ala Yeova weekĩte kwondũ wa ĩsyĩtwa yake ĩnene. Ndaviti nĩwaendeeie kũvindĩĩsya mawĩa ma Ngai. (Sav. 143:5) O ta ũu, kũvindĩĩsya ĩũlũ wa Mũmbi witũ na maũndũ onthe ala wĩkĩte na ala ũendeee kwĩka kwondũ witũ kũkatũtetheeasya o na yĩla twakwatwa nĩ motato.
Ũthwii wa Kĩ-veva
it-2 1151
Sumu
Ndeto Sumu Ĩtũmĩĩtwe kwa Nzĩa ya Ngelekanyʼo. Ndeto sya ũvũngũ na itonya kũũmĩsya sya mũndũ mũthũku, ila itonya kwanangĩa mũndũ ĩsyĩtwa, nielekanĩtwʼe na sumu ũtonya kũaa wa nzoka. (Sav 58:3, 4) Mbivilia yaĩtye ũũ ĩũlũ wa ala maneenaa ndeto sya ũvũngũ itonya kũũmĩsya, “Ũoi wa syĩmbuva wĩ ungu wa ilomo syoo,” na ũu nĩ kwasya, sumu wa kĩmbuva ũla wĩthĩawa maeonĩ ala me ũkambunĩ wa ĩũlũ. (Sav 140:3; Alo 3:13) Ũĩmĩ wa mũndũ ũla ũneenaa maũndũ matonya kũũmĩsya, maũndũ mathũku, maũndũ ma ũvũngũ, kana maũndũ angĩ ta asu, nũeleetwʼe ta “wusũĩte sumu mũthũku mũno.”—Yak 3:8.
MATUKŨ 3-9, MWEI WA 2
MAŨNDŨ MA VATA KUMA NDETONĨ YA NGAI SAVULI 144-146
“Nĩ Atanu Andũ Ala Ngai Woo Nĩ Yeova!”
Ũthwii wa Kĩ-veva
it-1 111 ¶9
Nyamũ
Mbivilia ĩmanyĩasya kana nĩtwaĩlĩte kũsũvĩa nyamũ. Vate nzika, Yeova nũeleetye tawe ũsiĩthasya na kũisũvĩa kwa nzĩa ya wendo. (Nth 12:10; Sav 145:15, 16) Mĩaonĩ ya Mose, andũ nĩmeeĩaĩwe masũvĩe nesa nyamũ sya mũsyĩ. Yĩla indo sya mũndũ syooneka syaĩte, ũla wasyona aaĩlĩte kũitũngĩa mwene syĩ nzũvĩĩku; na yĩla syavalũka nũndũ wa kũkua mũio mũito, syaaĩlĩte kũthũmũwʼa. (Kuma 23:4, 5) Nĩsyaaĩlĩte kũsũvĩwa iithũkũma. (Kũt 22:10; 25:4) O ta andũ, nĩsyaaĩlĩte kũthũmũa mũthenya wa Savato. (Kuma 20:10; 23:12; Kũt 5:14) Nyamũ ila syaĩ itonya kũũmĩsya andũ nĩsyasiĩĩawa kana ikoawa. (Mwa 9:5; Kuma 21:28, 29) Kũsyaana kwa mĩthemba ĩlĩ yĩ kĩvathũkanyʼo ya nyamũ nĩkwavatanĩtwe.—Ali 19:19.
MATUKŨ 10-16, MWEI WA 2
MAŨNDŨ MA VATA KUMA NDETONĨ YA NGAI SAVULI 147-150
Twĩ na Itumi Mbingĩ sya Kũmũtaĩa Yeova
Ũthwii wa Kĩ-veva
cl 54 ¶16
Ũtonyi wa Kũmba—“Ũla Watwʼĩkĩthisye Ĩtu na Nthĩ”
16 O na ĩngĩ Savuli 148:10 nĩwetete ĩũlũ wa “nyũnyi ila iũlũkaa.” Kwasũanĩa ĩũlũ wa mĩthemba yĩ kĩvathũkanyʼo ya nyũnyi! Yeova nĩwatavisye Yovu ĩũlũ wa nyaa, ĩla ‘ĩvũthasya mbalasi na ũla ũmĩtũlĩte.’ O na kau nyũnyi ĩsu yĩthĩawa na maaũ ma ũtũlu wa mita ilĩ na nusu no yĩthĩwe ĩtatonya kũũlũka, yĩthĩawa ĩtonya kũsemba maili 40, kana kĩlomita 65 kwa ĩsaa, na ĩtambasya vuti 15 kana mita inya na nusu kĩla ĩtambya! (Yovu 39:13, 18) Kĩvathũkanyʼo na ũu, nyũnyi yĩtawa albatross yĩkalaa vakuvĩ thayũ wayo wʼonthe kĩsevenĩ ĩũlũ wa ũkanga. Nyũnyi ĩsu yĩthĩawa na nthwau syĩ na ũasa wa vuti 11 kana mita itatũ. No ĩkue masaa meana ũna ĩũlũkĩte ĩndĩ ĩteũkũna nthwau syayo. Nako kasevela, kala kethĩawa na ũasa wa ingyi ilĩ kana sendimita itano, nĩko kanini vyũ kaelekanwʼa na nyũnyi ila ingĩ ĩũlũ wa nthĩ. No kakũne nthwau syako mavinda 80 kwa sekendi! Tũsevela nĩtũtisatisaa ta syĩndũ sya lato, na twĩthĩawa tũtonya kũũngama kĩsevenĩ tũũlũkĩte o ta ndeke mũthemba wa helicopter, o na no tũũlũke tũsyokete na ĩtina.
MATUKŨ 17-23, MWEI WA 2
MAŨNDŨ MA VATA KUMA NDETONĨ YA NGAI NTHIMO 1
Inywʼĩ Amũika—Mwĩĩthukĩĩsya Ũũ?
w05 2/15 19-20 ¶11-12
Kũsũvĩa Mwĩkalĩle Witũ twĩ Aklĩsto
11 Ĩkĩa kĩthito ũmwendeesye Ngai, ĩndĩ ti mũndũ. Ti ũthũku mũndũ kũwetanĩwʼa na kĩkundi kĩna kya andũ. Ithyonthe nĩtwendaa anyanya, na yĩla angĩ meetĩkĩla kũtwʼĩka anyanya maitũ, nĩtũtanaa. Yĩla mũndũ wĩ na myaka 13 kũvika 19, andũ ma ĩika yake no mamũthingʼĩĩsye mũno aatĩĩe ngelekanyʼo yoo kana amendeesye. Na ũndũ ũsu no wĩthĩwe o na mũndũ atwʼĩkie mũndũ mũima. Ĩndĩ ti kĩla ĩvinda anyanya na andũ ma ĩika yitũ mendaa tũendeee nesa. Mavinda amwe methĩawa mayenda o mũndũ matonya kwĩka nake maũndũ mataĩle. (Nthimo 1:11-19) Yĩla Mũklĩsto weetĩkĩla kũthingʼĩĩwʼa nĩ andũ ma ĩika yake eke maũndũ mataĩle, ethĩawa aitata kũvitha ũndũ we ũilye. (Savuli 26:4) Mũtũmwa Vaũlo atũkanisye ũũ: “Mũikethĩwe na mwĩkalĩle ũilye ta wa nthĩ ĩno.” (Alomi 12:2, The Jerusalem Bible) Yeova nũtũnengae vinya ũla tũkwenda nĩ kana ũtũtetheesye kũkĩlya vinya ũndũ o na wĩva ũla ũtonya kũtuma twĩthĩwa tũilye ta nthĩ ĩno.—Aevelania 13:6.
12 Yĩla twathingʼĩĩwʼa twanange ngwatanĩo yitũ vamwe na Yeova, nũseo tũkalilikana kana ũĩkĩĩku witũ vala ve Ngai nĩ wa vata mũno kwĩ mawoni ma andũ kana kĩla andũ aingĩ mekwenda kĩkwe. Mwolooto ũla wĩ nthĩnĩ wa Kuma 23:2 no ũtũtetheesye mũno. Waĩtye: “Ndũkaatĩanĩe na wingĩ wa andũ wĩke naĩ.” Yĩla Aisilaeli aingĩ meethĩiwe na nzika ĩũlũ wa ũtonyi wa Yeova wa kwĩanĩsya mawatho make, Kalevu nĩwaleile kũatĩĩa wingĩ wa andũ. Ndaĩ na nzika o na vanini kana mawatho ma Ngai maĩ ma kũĩkĩĩka, na nũndũ wa ũu nĩwaathimiwe mũno nũndũ wa ũkũmbaũ wake. (Motalo 13:30; Yosua 14:6-11) O ta Kalevu, we nĩwĩyũmbanĩtye kũleana vyũ na mawoni ma andũ nĩ kana ũsũvĩe ngwatanĩo yaku vamwe na Ngai?
MATUKŨ 24, MWEI WA 2 –MATUKŨ 2, MWEI WA 3
MAŨNDŨ MA VATA KUMA NDETONĨ YA NGAI NTHIMO 2
Nĩkĩ Waĩle Kwĩkĩa Kĩthito Kingĩ Wĩmanyĩsye We Mwene?
Ũthwii wa Kĩ-veva
it-1 1211 ¶4
Wĩanĩu
Mũndũ no ethĩwe na wĩanĩu kana ũĩkĩĩku wa mũthemba ũsu, na ti kwa ũtonyi wake, ĩndĩ o kwĩsĩla mũĩkĩĩo mũlũmu na kũmwĩkwatya Yeova o vamwe na ũtonyi wake wa kũtangĩĩa. (Sav 25:21) Ngai athanĩte kana akeethĩwa “ngao” na “ngome yĩ vinya,” asũvĩe ala maendaa wĩanĩunĩ. (Nth 2:6-8; 10:29; Sav 41:12) Nũndũ nĩmathĩnĩkĩaa mũno kwĩthĩwa na ngwatanĩo nzeo na Yeova, mekalaa me eanĩe, na kĩu nĩkĩtumaa maatĩĩa nzĩa ĩla yaĩlĩte thayũnĩ. (Sav 26:1-3; Nth 11:5; 28:18) O na kau o tondũ Yovu waisye, mũndũ ũte ĩvĩtyo no athĩne nũndũ wa mwĩao wa ũla mũthũku na nĩvatonyeka akakwʼa vamwe na ũla mũthũku, Yeova atũĩkĩĩthĩtye kana nĩwĩthĩawa esĩ thayũ wa mũndũ ũla ũte ĩvĩtyo na athanĩte kana ũtiĩwa wa mũndũ ũsu ũkaendeea. Ĩvinda yake yũkĩte yĩkeethĩwa na mũuo, na akatiĩwa ũseo. (Yovu 9:20-22; Sav 37:18, 19, 37; 84:11; Nth 28:10) O tondũ vailye ĩũlũ wa Yovu, kwĩthĩwa wĩ mũĩkĩĩku nĩkwʼo kwa vata kwĩ kwĩthĩwa wĩ mũthwii, na kĩu nĩkyo kĩtumaa mũndũ anengwa ndaĩa. (Nth 19:1; 28:6) Syana ila syĩthĩawa na mũsyai ũilye ũu, kwa wʼo nĩ ndanu (Nth 20:7), nikwataa nguma na ndaĩa nũndũ wa ngelekanyʼo ya ĩthe woo, na iitanĩa kwĩtanĩwʼa na ĩsyĩtwa ĩseo ya ĩthe woo.