MATUKŨ 28, MWEI WA 7–MATUKŨ 3, MWEI WA 8

NTHIMO 24

Wathi 38 na Mboya | Ndeto sya Kwambĩĩa (Ndat. 1)

MAŨNDŨ MA VATA KUMA NDETONĨ YA NGAI

1. Lũlũmĩĩlya Mũĩkĩĩo Waku Nĩ Kana Wũmĩĩsye Mathĩna

(Ndat. 10)

Endeea kũkwata ũmanyi nĩ kana wĩthĩwe wĩ mũĩ (Nth 24:5; it-2 610 ¶8)

Ĩkĩĩthasya kana nĩwavoya, wasoma Mbivilia kĩla mũthenya, na wathi maũmbanonĩ, o na yĩla ũkwʼĩte ngoo (Nth 24:10; w09 12/15 18 ¶12-13)

Kwĩthĩwa twĩ alũmu kĩ-veva nĩkũtũtetheeasya tũkomĩĩsya mathĩna (Nth 24:16; w20.12 15)

Mwĩĩtu-a-asa wĩ na ũwau mũthũku mũno, e mũtanu aitavanyʼa nyũmba kwa nyũmba e na mũnyanyae. Eonyʼa mũndũ mũka kĩndũ kuma tambuletinĩ yake.

2. Ũthwii wa Kĩ-veva

(Ndat. 10)

Nth 24:27—Nthimo ĩno yĩtũmanyĩsya kyaũ? (w09 10/15 12)

Ũsũngĩo waku
Nĩ maũndũ meva wĩmanyĩisye kuma kĩlungunĩ kya kũsoma Mbivilia kya kyumwa kĩĩ?

Ũsũngĩo waku

3. Kũsoma Mbivilia

(Ndat. 4) Nth 24:1-20 (th ĩsomo ya 11)

ĨKĨA KĨTHITO WĨTHĨWE MŨTAVANYʼA MŨSEO

4. Kwambĩĩsya Ũneenanyʼa

(Ndat. 2) KŨTAVANYʼA WĨ MAŨNDŨNĨ MAKU. Ũneenanyʼa ũithela ũtanamba kumya ũkũsĩ. (lmd ĩsomo ya 2 ũndũ wa 4)

5. Kwambĩĩsya Ũneenanyʼa

(Ndat. 3) KŨTAVANYʼA NYŨMBA KWA NYŨMBA. (lmd ĩsomo ya 3 ũndũ wa 4)

6. Kwambĩĩsya Ũneenanyʼa

(Ndat. 3) KŨTAVANYʼA KŨLA KWĨTHĨAWA ANDŨ AINGĨ. Mũtavye ĩũlũ wa mũvango witũ wa kũmanyĩsya andũ Mbivilia, na ũimũnenga kaati ya kũmũthokya emanyĩsye Mbivilia. (lmd ĩsomo ya 4 ũndũ wa 3)

7. Ũvoo

(Ndat. 3) lmd ũvoo wa kwongeleela wa A ũndũ wa 11—Kyongo: Ngai Nũtũnengete Ũvoo wa Vata. (th ĩsomo ya 6)

MWĨKALĨLE WA AKLĨSTO

Wathi 99

8. Tetheesya Ala Angĩ Ĩvindanĩ ya Mathĩna

(Ndat. 15) Ũneenanyʼa na ethukĩĩsya.

Maũndũ ta ũwau wa kũkwatanwʼa, mĩisyo, andũ me na ithokoo meũvĩnga silikalĩ, kaũ, kana kũvĩngwa no maumĩle tũtataĩĩe. Yĩla maũndũ ta asu meethĩwa, ana-a-asa na eĩtu-a-asa maitũ nĩmatetheanĩasya na makekĩana vinya. Ĩndĩ o na ethĩwa ithyĩ tũinakwatwa nĩ mĩisyo ĩsu ĩmwe kwa ĩmwe, nĩtwĩwʼĩaa tei ana-a-asa maitũ na tũyĩka kyonthe kĩla tũtonya tũmatetheesye.—1Ko 12:25, 26.

Visa: Ana-a-asa na eĩtu-a-asa meũtetheesya ana-a-asa angĩ kwa nzĩa syĩ kĩvathũkanyʼo. 1. Ana-a-asa na eĩtu-a-asa mekwaka ĩngĩ Nyũmba ya Ũsumbĩ ĩnaanangiwe nĩ mũisyo. 2. Ana-a-asa na eĩtu-a-asa meũthokya mũndũ mũka na kelĩtu kake makĩĩte kuma nthĩ ĩngĩ. 3. Mwĩĩtu-a-asa ũkwĩkĩa mũvothi ĩsandũkũnĩ ya kwĩkĩa mĩvothi Nyũmbanĩ ya Ũsumbĩ. 4. Ana-a-asa na eĩtu-a-asa meũnenga ana-a-asa makĩĩte kuma nthĩ syoo syĩndũ ila me na vata nasyo me Nyũmbanĩ ya Ũsumbĩ. 5. Ana-a-asa na eĩtu-a-asa meũnengane kĩwʼũ. 6. Mwana-a-asa ũkũvoya.

Somai 1 Asumbĩ 13:6 na Yakovo 5:16b. Na ĩndĩ ũikũlya ethukĩĩsya:

Twĩsĩ ata kana mboya ila athũkũmi ma Ngai mavoyeaa ala angĩ nĩsyĩthĩawa na ũtonyi mũno?

Ũsũngĩo waku

Somai Maliko 12:42-44 na 2 Akolintho 8:1-4. Na ĩndĩ ũikũlya ethukĩĩsya:

O na ethĩwa twĩ na ũkwati mũnini na tũitonya kumya mbesa mbingĩ kwondũ wa wĩa wa nthĩ yonthe nĩ kana tũtetheesye ana-a-asa maitũ ala me na mathĩna, nĩkĩ tũtaĩle kũeka kumya mĩvothi?

Ũsũngĩo waku

Thaũka VITIO Nĩmalũlũmĩĩilye Ana-a-asa Ĩvinda ya Maluvuku. Na ĩndĩ ũikũlya ethukĩĩsya:

Ana-a-asa meeyĩimie maũndũ meva nĩ kana matetheesye Aklĩsto ala mekalaa kũla wĩa witũ wakũnĩtwe maluvuku ngalĩko ya wumĩlonĩ wa sua ya Europe?

Ũsũngĩo waku
Ĩvindanĩ yĩu makũnĩtwe maluvuku, ana-a-asa meekie ata nĩ kana maatĩĩe mwĩao wa kũmbana vamwe na kwĩkĩana vinya?—Avl 10:24, 25

Ũsũngĩo waku

9. Ĩmanyĩsyo ya Mbivilia ya Kĩkundi

(Ndat. 30) lfb ĩsomo ya 4-5