ŨNDŨ WA KWĨMANYĨSYA

Ĩthĩwa na Ũkũmbaũ wa Kwĩka Kĩla Kyaĩle o na Yĩla Wathingʼĩĩwʼa Wĩke Kĩla Kĩtaĩle

Soma Yelemia 38:1-13 wone kĩla ngelekanyʼo ya Yelemia na Eveti-meleki ĩtonya kũũmanyĩsya ĩũlũ wa kwĩthĩwa na ũkũmbaũ.

Sũanĩa maũndũ ala mathyũlũlũkĩte ngewa ĩsu. Yelemia oonanisye ata kana aĩ na ũkũmbaũ yĩla watavanasya ũtũmani ũla Yeova wamũnengete? (Yel. 27:12-14; 28:15-17; 37:6-10) Andũ meekie ata meewʼa ũvoo ũla watavanasya?—Yel. 37:15, 16.

Ĩmanyĩsye Mũnango. Yelemia athingʼĩĩiwʼe kwĩka ũndũ wĩva? (jr-SW 26-27¶20-22) Mantha ũvoo mwingangĩ ĩũlũ wa ũndũ maima ma tene ma kĩwʼũ meethĩawa mailye na ũndũ matũmĩawa. (w11-SW 1/1 19) Wĩona Yelemia ta weewʼaa ata yĩla wekiwʼe ĩimanĩ yĩ na ndaka? Nĩ ũndũ wĩva ũtonya kwĩthĩwa watumaa Eveti-meleki ethĩwa na wia?—w12-SW 5/1 31 ¶2-3.

Kĩla ũkwĩmanyĩsya. Ĩkũlye-ĩ:

‘Ngewa ĩĩ yĩmanyĩsya kyaũ ĩũlũ wa ũndũ Yeova ũsũvĩaa athũkũmi make aĩkĩĩku?’ (Sav. 97:10; Yel. 39:15-18)
‘Nĩ maũndũnĩ ta meva naĩle kwonanyʼa ũkũmbaũ?’
‘Ndonya kwĩka ata nĩthĩwe na ũkũmbaũ mwingangĩ wa kwĩka kĩla kyaĩle yĩla nathingʼĩĩwʼa nĩke kĩla kĩtaĩle?’ (w11-SW 3/1 30)a

a Nĩ kana ũkwate ũvoo mwingangĩ ĩũlũ wa maũndũ ũtonya kwĩmanyĩsya, sisya “Ũndũ wa Kwĩmanyĩsya” ĩkasetinĩ ya Mũsyaĩĩsya ya Mwei wa 7, 2023.