Ĩmanyĩsye wĩ na Kĩeleelo kya Kũneenea na Angĩ Kĩla Weemanyĩsya

Yĩla tũkwĩmanyĩsya Mbivilia ithyĩ ene, nĩtwĩwʼaa twavuũũka, ĩndĩ kĩla kĩtonya kũtuma tũvuũũka mũnango nĩ kũneenea na angĩ maũndũ ma kwĩkĩa vinya ala tweemanyĩsya. Ĩandĩko ya Nthimo 11:25 (NWT) yaĩtye: “Mũndũ o na wĩva ũla ũvuũũkasya angĩ, we mwene akavuũũkwʼa.”

Yĩla twaneenea na angĩ maũndũ ala tweemanyĩsya, kĩu nĩkĩtũtetheeasya tũkamalilikana na mĩtũkĩ na tũimaelewa nesanga. Na nũndũ maũndũ asu no matethye ala angĩ, nĩtũkwataa ũtanu yĩla twamaneenea namo.—Meko 20:35.

Tata kwĩka ũndũ ũũ: Kyumwa kĩla kyũkĩte, mantha mwanya wa kũtavya mũndũ ũngĩ kĩndũ wĩmanyĩisye. No ũtavye mũndũ wa mũsyĩ, mwana-a-asa kana mwĩĩtu-a-asa kĩkundinĩ, mũndũ mũthũkũmaa ĩmwe, mũsomaa ĩmwe, mũtũi, kana o mũndũ wakomana nake ũitavanyʼa. Tata kũelesya ũndũ ũsu ũtũmĩĩte ndeto syaku mwene na kwa nzĩa yĩ laisi kũeleeka.

Lilikana: Tavya andũ ala angĩ maũndũ ala wĩmanyĩisye nĩ kana ũmekĩe vinya, ĩndĩ ndũkeke ũu aĩ nĩ kana ũmatanĩthye.—1 Ako. 8:1.