Mbivilia Yĩthĩawa na Ũĩ wa Mũndũ?

Ũndũ Mbivilia yaasya

Mbivilia, ĩla ĩngĩ yĩtawa Maandĩko Matheu, yĩthĩawa na nthimo mbingĩ sya ũĩ. O na ũu wĩ o vo, kwoona ũndũ Mbivilia yo mbene yaĩtye: “Kĩla Ũandĩko nĩwaveveewe nĩ Ngai.” (2 Timotheo 3:16) Ve maũndũ maingĩ ala monanasya ndeto isu nĩ sya wʼo. Kwasũanĩa amwe ma asu:

• Vai mũndũ waavota kwonanyʼa kana Mbivilia ndĩneeneaa maũndũ ma wʼo ĩũlũ wa isitoli.

• Ala maandĩkaa Mbivilia maandĩkie mateũvitha kĩndũ na me na ũlũngalu wa ngoo. Ũu wonanasya kana maũndũ ala maandĩkie maĩ ma wʼo.

• Mbivilia ĩneeneaa o ũndũ ũmwe mũnene. Ũndũ ũsu nĩ kana Ngai nĩwe waĩle kũsumbĩka andũ na kwĩanĩwʼa kwa kĩeleelo kyake kwĩsĩla Ũsumbĩ wa ĩtunĩ.

• O na kau yaandĩkiwe myaka mingĩ mĩvĩtu, Mbivilia ndĩkwataa mbau maũndũ ma ũvũngũ ma saenzi ala meetĩkĩlĩtwe nĩ andũ aingĩ ĩvinda ya tene.

• Maũndũ ma isitoli ala maandĩkĩtwe monanasya kana mawathani ma Mbivilia nĩmeanĩĩte.