Ũndũ Ũtonya Kwasya

Kũmantha Andũ ma Kũmanyĩwʼa Mbivilia Wathanthatũ wa Mbee wa Mwei wa 6

“Vakuvĩ kĩla mũndũ tũũneena nake eona ve vata wa nthĩ ĩno kwĩthĩwa na mũuo. O na ũu, makaũ no maendeee. We wĩona nĩkĩ ne vinya nthĩ ĩno kwĩthĩwa na mũuo?” Eteela asũngĩe. Mwonyʼe ĩthangũ ya ĩtina ya ĩkaseti ya Mũsyaĩĩsya ya 01/06/2013, na mũineenea ũvoo ũla wĩ uungu wa ĩkũlyo ya mbee na ĩandĩko o na ethĩwa no yĩmwe. Mũnenge makaseti, na mũivanga ũsyoke mũneenee ĩkũlyo yĩla yĩatĩĩe. Ethĩwa mũi na makaseti asu kĩkundinĩ, no mũtũmĩe makaseti ma mĩtũkĩ ala me vo na mũisisya Ũthũkũmi Witũ wa Ũsumbĩ ũla ũmaneeneete.

Kĩmanyĩthya: Vethĩwe na wonanyʼo ũmbanonĩ wa ũtavanyʼa ũla ũkekwa Ĩtukũ 1, Mwei wa 6, ũtũmĩĩte ũndũ ũũ wa kwasya.

Mũsyaĩĩsya 01/06/2013

“Ũmũnthĩ twĩĩ kĩsionĩ kĩĩ kyenyu tũineenea thĩna ũtũkwataa ithyonthe. Andũ aingĩ nĩmathĩnĩtwʼe nĩ kĩmena kĩla kĩendeee ũmũnthĩ. We wĩona ko ve vandũ vate kĩmena ĩũlũ wa nthĩ? [Eteela asũngĩe.] Ĩandĩko yĩĩ nĩyonanĩtye ũndũ Ngai wonaa andũ. [Soma Meko ma Atũmwa 10:34.] Ĩkaseti yĩĩ nĩyĩneneete ũndũ Ngai ũkamina kĩmena ĩũlũ wa nthĩ.”

Amkeni! Mwei wa 6

“No twende kwĩwʼa woni waku ĩũlũ wa ũndũ mũna. Tũmbĩtwe twĩ na mea ma kwenda thayũ mũseo. We wĩona kwĩthĩwa na malĩ mbingĩ ta kũtuma twĩthĩwa twĩ na ũtanu thayũnĩ? [Eteela asũngĩe.] Kwoona ũndũ Yesũ waisye. [Soma Luka 12:15.] Ĩkaseti yĩĩ nĩyĩeleetye woni ũla twaĩle kwĩthĩwa nawʼo kwelekela malĩ, na ũndũ tũtonya kũtũmĩa mbesa nesa.”