“Ala Ngai Ũlũmanĩtye . . . ”

Mĩao ya Mose yoonanĩtye kana mũndũ enda kũthasya mũtwaano aaĩle kwĩthĩwa na valũa wa kũtaanĩsya. Kĩu nĩkyatumaa andũ matathasya mũtwaano na mĩtũkĩ. Ĩndĩ o na ũu wĩ o vo, ĩvindanĩ ya Yesũ atongoi ma ndĩni nĩmatumĩte kũthasya mũtwaano wĩthĩwa wĩ ũndũ wĩ laisi. Aũme nĩmathaasya mĩtwaano yoo nũndũ wa itumi ite va siĩ. (Mk 10:4, 11, maũndũ ma kwĩmanyĩsya kuma nwtsty) Yesũ nĩwoonanisye kana Yeova nĩwe wambĩĩisye mũvango wa mũtwaano. (Mk 10:2-12) Mũndũũme na mũndũ mũka maĩ matwʼĩke “mwĩĩ ũmwe.” Kwosana na ndeto ila syĩ ĩvukunĩ ya Mathayo, kĩtumi kĩla kyaĩle kũtuma andũ mathasya mũtwaano nĩ “ũlaalai.”—Mt 19:9.

Ũmũnthĩ, andũ aingĩ mayonaa mũtwaano ũndũ Yesũ wawonaa, ĩndĩ mawonaa ũndũ Avalisi mawonaa. Ĩla mathĩna maumĩla, andũ aingĩ nĩmathaasya mũtwaano na mĩtũkĩ. Ĩndĩ kĩvathũkanyʼo namo, Aklĩsto ala matwaanĩte nĩmosaa wĩvĩto woo kwa ũito, na kwoou nĩmekĩaa kĩthito masinde mathĩna ala mamakwata matũmĩĩte myolooto ya Mbivilia. Ĩtina wa kwĩloela vitio, Wendo na Ndaĩa Nitumaa Mĩsyĩ Yĩthĩwa na Ngwatanĩo, sũngĩai makũlyo aa maatĩĩe:

• 

  Ũtonya kũtũmĩa ata ĩandĩko ya Nthimo 15:1 mũtwaanonĩ waku, na nĩkĩ kwĩka ũu nĩ ũndũ wa vata?

• Ũtonya kwĩvathana na mathĩna ata kwa kũtũmĩa ĩandĩko ya Nthimo 19:11?

• Ethĩwa mũtwaano waku ũkilyĩ kwanangĩka, vandũ va kũsũanĩa kana waĩle kũthasya mũtwaano, nĩ makũlyo meva waĩle kũvindĩĩsya?

• Ũtonya ata kwĩthĩwa mũũme kana kĩveti kĩseo kwa kũtũmĩa mwolooto ũla wĩ ĩandĩko ya Mathayo 7:12?