Ũndũ Tũtonya Kwĩthĩwa Atavanyʼa Aseo​—Ũndũ Ũtonya Kũtũmĩa Kĩsese kya JW.ORG Nesa

NĨKĨ NĨ ŨNDŨ WA VATA: Mavuku onthe ala tũtũmĩaa kũmanyĩsya andũ Mbivilia matwelekelasya Kĩsesenĩ kya jw.org. O na kĩeleelo kĩnene kya kaati ya kwelekelya andũ Kĩsesenĩ na tulakiti Nĩ va tũtonya kũkwata mosũngĩo ma makũlyo ala ma vata thayũnĩ? kĩthĩawa ne kwelekelya andũ kĩsesenĩ kitũ. No ũtũmĩe Kĩsese kya jw.org kũnenga mũndũ ĩvuku yĩmwe ya ala tũtũmĩaa kũmanyĩsya andũ Mbivilia kwa kũmũtũmĩa simũnĩ. Ũu no ũtethye na mũno mũno ethĩwa wĩneenaa na mũndũ ũneenaa kĩthyomo kĩngĩ. O na ĩngĩ andũ no makũlye makũlyo masũngĩĩtwe ­mavukunĩ maitũ, ĩndĩ ũyĩthĩa mavuku asu ti ala tũtũmĩaa kũmanyĩsya andũ Mbivilia. Twamanya maũndũ ala methĩawa Kĩsesenĩ kya jw.org nesa, no twĩthĩwe na mosyao maseo ũtavanyʼanĩ.

ŨTONYA KWĨKA ŨU ATA?:

• 

  Tũmĩa kĩlungu kĩla kĩ na kyongo, “MAFUNDISHO YA BIBLIA.” Twasye wĩneena na mũsyai na eenda kũtetheewʼa amanye ũndũ ũtonya kũea syana. Enda vala vaandĩkĩtwe > MAFUNDISHO YA BIBLIA > NDOA NA FAMILIA.

• Tũmĩa kĩlungu kĩla kĩ na kyongo, “MAVUKU.” Twasye wĩtavanasya wĩ sukulu na wĩenda kwonyʼa mũndũ mũsomaa ĩmwe kavuku Mosũngĩo ma Makũlyo 10 Ala Andũ ma Mũika Makũlasya. Enda vala vaandĩkĩtwe MAVUKU > MAVUKU & MBULOSUA.

• Tũmĩa kĩlungu kĩla kĩ na kyongo, “ĨŨLŨ WITŨ.” Twasye wĩneenaa na mũndũ mũthũkũmaa ĩmwe na eenda kũsoma ũvoo mũkuvĩ ĩũlũ wa maũndũ ala tũĩkĩĩaa. Enda vala vaandĩkĩtwe ĨŨLŨ WITŨ > MAKŨLYO MAKŨLAWʼA MAVINDA MAINGĨ.

ĨLOELEI VITIO YĨ NA KYONGO ŨNDŨ ŨTONYA KŨTŨMĨA KĨSESE KYA JW.ORG NESA, NA ĨNDĨ ŨYĨANDĨKA NĨ VA ŨTONYA KŨTHI NĨ KANA ŨKWATE ŨVOO ŨTONYA KŨTETHEESYA ANDŨ AA ME VAA ĨTHEO:

• mũndũ ũĩkĩĩaa kana kũi Ngai

• mũndũ wakwatwa nĩ mũisyo

• mwana-a-asa kana mwĩĩtu-a-asa wavoie

• mũndũ ũsyokeete ũkwenda kũmanya vala mbesa sya kũũngamĩa wĩa witũ syumaa

• mũndũ kuma nthĩ ĩngĩ ũla ũkwenda kũthi maũmbano kĩkundinĩ kya mũsyĩ kwoo