MWĨKALĨLE WA AKLĨSTO

Yeova Endete Andũ Atheu

Asyai aingĩ nĩmamanyĩasya syana syoo ũndũ itonya kwĩkala syĩ ntheu. Kwa ngelekanyʼo, nĩmaitavasya ndeto ta, thamba moko, thesya nyũmba, tuta nza, na enda ũkekye mavuti. Ĩndĩ, myolooto ĩla ĩkonetye ũtheu yaumie kwa Ngai witũ mũtheu. (Kuma 30:18-20; Kũt 23:14; 2Ko 7:1) Yĩla twekala twĩ atheu, nĩtũtumaa Yeova ataĩwa. (1Vt 1:14-16) Nawʼo nata kũthesya mũsyĩ witũ vamwe na isio ila itũthyũlũlũkĩte? O na kau andũ aingĩ mekasya takataka lelũnĩ na iwanzanĩ sya kũthyũmũa, Aklĩsto nĩmatataa mekalye nthĩ yĩ ntheu. (Sav 115:16; Ũvu 11:18) O na tũmaũndũ tũnini ta ũndũ twĩkanaa na tũthangũ twa ngelemende, sũva sya sota, kana sitingamu, no kwonanyʼe woni witũ ĩũlũ wa ũtheu. “Nĩtũĩkĩĩthasya kana twĩ athũkũmi ma Ngai” nthĩnĩ wa ũndũ o na wĩva ũla tũkwĩka.—2Ko 6:3, 4.

ĨLOELEI VITIO YĨ NA KYONGO NGAI ENDETE ANDŨ ATHEU, NA ĨNDĨ MŨISŨNGĨA MAKŨLYO AA:

Andũ manenganae itumi syĩva sya kũlea kwĩkala me atheu?
Mĩao ya Mose yoonanĩtye ata woni wa Yeova ĩũlũ wa ũtheu?
Nĩ nzĩa yĩva tũtonya kũtuma Yeova ataĩwa o na vate kũneena?

Mwana-a-asa ailika ngalĩnĩ ya kĩmwana kyake yĩ kĩko; mwana-a-asa aineena na kĩmwana kyake ĩũlũ wa myolooto ya Yeova ya ũtheu; athembi elĩ ma ĩvinda ya tene me ũtee wa kĩndũ kya kũthambĩa; kĩkundi kya ũtavany’a kyauma ngalĩnĩ ya kĩla kĩmwana yĩ ntheu — Ndonya ata kwĩthĩwa na woni ta wa Yeova ĩũlũ wa ũtheu?