Wʼo Kaũ wa Alimaketoni Ũkambĩĩa Nthĩ ya Isilaeli?—Mbivilia Yaĩtye Ata?

Mbivilia ĩeleetye kana kaũ wa Alimaketoni ti kaũ ũkokitwa o kĩsionĩ kĩnini, ĩndĩ nĩ kaũ ũkokitwa nĩ silikalĩ sya andũ na Ngai.

• “Moneeni maveveewe nĩ ndaimoni . . . nĩmaendaa kwa asumbĩ ma nthĩ yonthe, kũmombanyʼa vamwe kwondũ wa kaũ wa ũla mũthenya mũnene wa Ngai Mwene Vinya Wʼonthe.. . . . Mamombanyʼa vamwe vandũ vetawa kwa Kĩevelania Alimaketoni.”—Ũvu 16:14, 16.

Ndeto “Alimaketoni” yumanĩte na ndeto ya Kĩevelania Har Meghid·dohnʹ ĩla yonanasya“Kĩĩma kya Mekito.” Mekito yaĩ ndũa yaĩ kĩsionĩ kya Isilaeli ya tene. Nũndũ wa ũu, andũ amwe maĩkĩĩa kana kaũ wa Alimaketoni ũkokitĩwa Isilaeli. Ĩndĩ o na vailye ũũ, vai kĩsio ona kĩmwe kĩ Middle East kana Mekito kĩtonya kwĩanĩa “asumbĩ ma nthĩ yonthe” vamwe na ita syoo.

Ĩvuku ya Ũvuanyʼo yaandĩkiwe kwa nzĩa ya “mawonanyʼo,” kana ngelekanyʼo. (Ũvu 1:1) Alimaketoni ĩyonanasya kĩsio kĩna, ĩndĩ yonanasya ĩvinda yĩla mbaĩ syonthe ĩũlũ wa nthĩ ikombana ya mũthya syĩ na kĩeleelo kya kũvĩnga silikalĩ ya Ngai.—Ũvu 19:11-16, 19-21.