Ũtalo wa Ala Mewʼaa ta me Oka Ũendeee Kwongeleka—Ũndũ Mbivilia Yaasya

Kwosana na livoti ĩmwe ya mĩtũkĩnĩ ya nthĩ yonthe,a mũndũ ũmwe katĩ wa kĩla andũ ana ewʼaa ta wĩ weka.

• “Mũndũ o na wĩva, o na ethĩwe e na myaka yĩana ata kana aumĩte va, no ethĩwe avathanĩtwe na andũ ala angĩ.”—Chido Mpemba, mwene kĩvĩla wa World Health Organization’s Commission on Social Connection.

kĩvathũkanyʼo na ũndũ andũ aingĩ matonya kũsũanĩa, ti o andũ ala akũũ kana ala mate vakuvĩ na andũ ala angĩ matonya kũkwata nĩ mesilya ma kwĩwʼa ta me oka, ĩndĩ o na ala anini, ala mate na mathĩna ma mwĩĩ, ala maendeee nesa thayũnĩ, na ala me mũtwaanonĩ nĩmakwatawa nĩ ũndũ ũsu. Kũvathanwa na andũ ala angĩ na kwĩwʼa mũndũ ta wĩ weka, no kũete mathĩna ma mwĩĩ na ma kĩlĩko.

• Dr. Vivek Murthy, ndakĩtalĩ ũla mũnene wa kũthĩnza nthĩ ya Amelika aĩtye: “Kwĩwʼa mũndũ ta wĩ weka ti o kaũndũ kanini.” Ongelete kwasya: “Mũisyo wa kũkwʼa nũndũ wa kwĩthĩwa ũte ngwatanĩo kana wĩ vaasa na andũ ala angĩ nĩwĩanene na mũisyo wa kũkwʼa nũndũ wa kũnywʼa sikala 15 kĩla mũthenya.”

Ũndũ Mbivilia Yaasya

Mũmbi witũ ndendaa twĩwʼe ta twĩ ithyoka. Kuma tene kĩeleelo kya Ngai nĩ andũ matanĩe kwĩthĩwa na ngwatanĩo nzeo na andũ ala angĩ.

• Mwolooto wĩ Mbivilianĩ: “Ngai asya, Ti ũseo mũndũ ethĩwe e weka.”—Mwambĩlĩlyo 2:18.

Ngai endaa twĩthĩwe na ngwatanĩo vamwe nake. Atwathĩte kana akatũthengeea tweekĩa kĩthito tũmũthengeee.—Yakovo 4:8.

• Mwolooto wĩ Mbivilianĩ: “Nĩ atanu ala mesĩ me na nzaa ya kĩ-veva, nũndũ Ũsumbĩ wa ĩtu nĩ woo.”—Mathayo 5:3.

Ngai endaa tũmũthaithe twĩ vamwe na ala angĩ. Tweeka ũu, nĩtũkwataa ũtanu na ũkiakisyo.

• Mwolooto wĩ Mbivilianĩ: “Ekai tũendeee kũthĩnĩkĩa ala angĩ nĩ kana tũmathuthye methĩwe na wendo na meko maseo, tũte kũeka kũmbana vamwe,     . ĩndĩ tũkĩthangaanyʼa.”—Aevelania 10:24, 25.

Nĩ kana ũkwate ũvoo mwingĩ wonanĩtye nĩkĩ nĩ ũndũ wa vata kũthĩnĩkĩa mesilya ma kwĩwʼa mũndũ ta wĩ weka, soma kĩlungu, “Upweke Katika Ulimwengu Uliojaa Mawasiliano.”