Ũndũ Ũtonya Kũkwata Ũtanu o na Yĩla Maũndũ Mooma—Mbivilia Ĩmanyĩasya Ata?

Tũi na ũtonyi wa kũvĩndũa maũndũ onthe ala matonya kũtũkwata ĩvindanĩ yĩĩ yũmũ. Ĩndĩ o na vailye ũu, ũtanu witũ wumanaa na woni ũla twĩ nawʼo, ĩndĩ ti maũndũ ala matũkwatĩte. Mbivilia yaĩtye kana, ‘ũla wĩ na ngoo ndanu ethĩawa na mboka ĩtatwʼĩkanaa’ o na yĩla wĩ mathĩnanĩ. (Nthimo 15:15) Tũtonya kwĩka ata twongelange ũtanu witũ? Eka twone ũndũ ũtao ũla wĩ Mbivilianĩ ũtonya kũũtetheesya.

Ũmĩanĩsya na mawĩmakĩo

Mbivilia yaĩtye: “Kĩmako ngoonĩ ya mũndũ nĩkĩminamasya; Ĩndĩ ndeto nzeo nĩmĩtanasya.”—Nthimo 12:25.

• Mbivilia no ĩũtetheesye ũkaeka kwĩmakĩa mũno. Nĩ kana ũmanye ũndũ ũsu ũtonyeka ata, soma kĩlungu kĩ na kyongo, “Biblia Inasema Nini Kuhusu Mahangaiko.”

Kĩlya vinya mosũanĩo ma kwĩwʼa ta wĩ weka

Mbivilia yaĩtye: “Mũnyanya nĩwendanaa ĩndĩ yonthe; Na mwana-a-ĩthe asyaiwe kwondũ wa kũthĩnũkasya.”—Nthimo 17:17.

• Mbivilia yĩ na motao matonya kũũtetheesya wĩthĩwe na anyanya aseo na kĩu no kĩũtetheesye ũkaeka kwĩwʼa ta wĩ weka. Soma kĩlungu kĩ na kyongo, “Kĩlya Vinya Thĩna wa Kwĩwʼa ta wĩ Weka Kwa Kũmantha Anyanya—Mbivilia Ĩtonya Kũũtetheesya Ata?.”

Mwende Ngai na Mũtũi

Mbivilia yaĩtye: “No nginya ũmwende Yeova Ngai waku na ngoo yaku yonthe, na thayũ waku wʼonthe, na kĩlĩko kyaku kyonthe. . . . No nginya ũmwende mũtũi waku o ũndũ wĩyendete.”a—Mathayo 22:37-39.

• Mboya no ĩtũtetheesye tũkamwenda Ngai mũnango. Nĩ kana wĩmanyĩsye mũnango, soma kĩlungu kĩ na kyongo, “We Ngai Nĩwĩwʼaa Mboya Sitũ?”

• Nĩtwendaa ala angĩ mũnango twamakua ũndũ Yesũ waisye twaĩle kũmakuaa. Manya maũndũ maingangĩ kwa kũsoma kĩlungu kĩ na kyongo, “Yesu Alisema Tunapaswa Kuwatendeaje Wengine?”

Wĩona ata ũkemanyĩsya mũnango wone ũndũ Mbivilia ĩtonya kũũtetheesya wĩthĩwe wĩ mũtanu ĩvindanĩ yĩĩ yũmũ? Nĩ kana wĩke ũu, twĩũthokya ũtate mũvango witũ wa kwĩmanyĩsya na andũ Mbivilia vate ndĩvi.