Nĩwonaa Ũtonyi wa Ndeto ya Ngai Thayũnĩ Waku?

Kũsoma Mbivilia kĩla mũthenya no kũũtetheesye wĩthĩwe na “mĩi mĩlũmu” na ũyĩthĩwa ‘ũlũlũmĩĩlwʼe mũĩkĩĩonĩ.’ (Ako. 2:6, 7) Ĩndĩ nĩ kana Ndeto ya Yeova yĩthĩwe na ũtonyi mathayũnĩ maitũ, no nginya tũmĩsũanĩe kwa ũliku na tũitũmĩa myolooto yayo. (Aevl. 4:12; Yak. 1:22-25) Ĩandĩko ya Yosua 1:8 nĩyonanĩtye maũndũ atatũ twaĩle kũatĩĩa ĩla tũũsoma Mbivilia: (1) Soma Ndeto ya Ngai “mũthenya na ũtukũ.” (2) ‘Sũanĩa’ maũndũ ala ũũsoma. Ũu wĩonanyʼa kana waĩle kũsoma kwa nzĩa ũtonya kũkũna visa kĩlĩkonĩ nĩ kana ũmanye nesa maũndũ ala maeleetwʼe. (3) Ĩka “kwĩanana na wʼonthe ũla ũandĩkĩtwe nthĩnĩ wayo.” Twatũmĩa maũndũ asu, ‘tũkaaĩlya nzĩa sitũ,’ na tũkatũmĩa “kĩlĩko” maũndũnĩ maitũ ma kĩla mũthenya.