MWĨKALĨLE WA AKLĨSTO
Lilikanaa Kũvoyea Aklĩsto Ala Meũthĩnwʼa
Mbivilia nĩyathanie kana Satani akatũthĩnyʼa nĩ kana asiĩĩe wĩa witũ. (Yoa 15:20; Ũvu 12:17) Tũtonya ata kũtetheesya Aklĩsto ala me nthĩ ingĩ na me kũthĩnwʼa? No tũmavoyee nũndũ “kwĩsũvana kwa mũndũ mũlũngalu nĩkũvotaa mũno akĩvoya na kĩthetheesyo.”—Yak 5:16.
Nĩ maũndũ meva tũtonya kũvoya? No tũmũkũlye Yeova ekĩe ana-a-asa na eĩtu-a-asa maitũ vinya, na aimatetheesya maikalikwe nĩ wia. (Isa 41:10-13) O na ĩngĩ, no tũvoye nĩ kenda ala me na ũkũmũ methĩwe na mawoni maseo ĩũlũ wa wĩa witũ wa kũtavanyʼa na “nĩ kana twĩthĩwe na thayũ mũuu na mũuo.”—1Tim 2:1, 2.
Ĩla Vaulo na Vetelo mathĩnawʼa, Aklĩsto ala angĩ nĩmamavoyeie kwa kũmaweta masyĩtwa. (Meko 12:5; Alo 15:30, 31) O na ethĩwa tũyĩsĩ masyĩtwa ma ana-a-asa onthe ala mathĩnawʼa, no tũwete kĩkundi kyoo, nthĩ, kana kĩsio kĩla maumĩte.