Lũmanyʼa na Mũvango Waku wa Kwĩmanyĩasya Mbivilia Kĩla Mũthenya

Nũndũ wĩthĩawa ũkwatene mũno, we nũngʼangʼanaa kũlũmanyʼa na mũvango waku wa kwĩmanyĩsya Ndeto ya Ngai kĩla mũthenya? (Yos. 1:8) Ethĩwa ũu nĩwʼo, tata kwĩka ũndũ ũmwe katĩ wa maũndũ aa:

• Ĩkĩa kĩndũ kya kũũlilikanyʼa kĩla mũthenya. Ĩkĩa alarm simũnĩ yaku nĩ kana ĩũlilikanasye kũsoma Mbivilia.

• Ia Mbivilia yaku vandũ ũtonya kũmyona. Ethĩwa ũsomaa Mbivilia ndumbĩthye, mĩie vandũ ũtonya kũmyonaa na mĩtũkĩ kĩla mũthenya.—Kũt. 11:18.

• Ĩthukĩĩsye ilungu sya Mbivilia ilekotiĩtwe. Ĩthukĩĩasye yĩla ũkwĩka maũndũ maku ma kĩla mũthenya. Vainia wĩtawa Tara wĩthĩawa na syana na ũthũkũmaa masaa ma ũtukũ aĩtye, “Kwĩthukĩĩsya ilungu sya Mbivilia ilekotiĩtwe yĩla nĩendeee na mawĩa ma nyũmba nĩkũndetheeasya kũlũmanyʼa na mũvango wakwa wa kũsoma Mbivilia ndeũtĩĩa.”

• Ndũkakwʼe ngoo. Ethĩwa maũndũ matataĩĩwe nĩmavĩngĩĩsa mũvango waku, soma o na ethĩwa no mĩsoa mĩnini ũtanakoma. Na ndũkolwe kana kwĩka ũu kĩla mũthenya kũianene na vathei.—1 Vet. 2:2.