Keɣa

99 Yehowa pɩsɩ Wiyaʋ.+ Ajɛɛ iseli.

Ɛcaɣ kewiyaɣ kpelaɣ yɔɔ kerebimwaa ñʋʋ yɔɔ.*+ Tɛtʋ ɛñamsɩ.

2 Yehowa kɛ sɔsɔ Siyɔŋ taa,

Ɛkɩlɩ ajɛɛ kpeekpe pɩdɩɩfɛyɩ.+

3 Asa ña-hɩɖɛ sɔsɔɖɛ,+

Mbʋ pʋyɔɔ yɔ ɖɩcaɣ sɔɔndʋ nɛ ɖɩkɛ kiɖeɖeye.

4 Ɛkɛ wiyaʋ ɖoŋ tʋ weyi ɛsɔɔlɩ siɣsiɣ wɛtʋ yɔ.+

Mbʋ pɩtʋʋzaa yɔ, ŋcaɣzɩ-pʋ camɩyɛ.

Ŋkɔnɩ siɣsiɣ wɛtʋ nɛ mbʋ pɩtʋʋzaa yɔ+ Yakɔɔb taa.

5 Ɩsa ɖɛ-Ɛsɔ Yehowa+ nɛ iluŋ* ɛ-nɩŋgbanzɩ ɖɩzɩyɛ ɛsɩndaa;+

Ɛkɛ kiɖeɖeu.+

6 Moyizi nɛ Aarɔɔnɩ paawɛ ɛ-cɔjɔnaa taa,+

Nɛ Samɩyɛɛlɩ kaawɛ mba payaɣaɣ ɛ-hɩɖɛ yɔ pa-taa.+

Payaɣaɣ Yehowa,

Nɛ ɛlɛ cosaɣ-wɛ.+

7 Ɛyɔɔdaɣnɩ-wɛ nɛ mɩndʋ tilimiye taa.+

Pɔɖɔŋaɣ tɔm ndʋ ɛtɔzaɣ-wɛ yɔ nɛ paɣtʋ ndʋ ɛɖʋwaɣ-wɛ yɔ tɩ-yɔɔ.+

8 Oo ɖɛ-Ɛsɔ Yehowa, ŋcosaɣ-wɛ.+

Ŋkɛ Ɛsɔ weyi ɛkpakaɣ nɛ ekpeɣu-wɛ yɔ,+

Ɛlɛ ŋhɔŋaɣ pa-nɩŋgbaaŋ* pa-lakasɩ kɩdɛkɛdɩsɩ yɔɔ.+

9 Ɩsa ɖɛ-Ɛsɔ Yehowa+

Nɛ iluŋ* ɛ-pʋʋ kiɖeɖeu ɛsɩndaa,+

Mbʋ pʋyɔɔ yɔ ɖɛ-Ɛsɔ Yehowa kɛ kiɖeɖeu.+