Izaayii
56 Tɔm tʋnɛ Yehowa yɔɔdʋʋ:
«Ɩñɔɔnɩ siɣsiɣ wɛtʋ,+ nɛ ɩla mbʋ pɩwɛ siɣsiɣ yɔ,
Mbʋ pʋyɔɔ yɔ pɩkazɩ pazɩ lɛ, ñʋʋ yabʋ mbʋ mɔnkɔŋna yɔ pɩkaɣ talʋʋ
Nɛ pɩkaɣ kuluu men-siɣsiɣ wɛtʋ yɔɔ nɛ pɩwɩlɩ.+
2 Koboyaɣ tʋ lɛ ɛyʋ weyi ɛlakɩ mbʋ yɔ
Nɛ ɛyʋ pɩyalʋ weyi ɛñɔʋnɩ-pʋ kpam yɔ,
Weyi ɛñaŋ Sabaatɩ nɛ eepisiɣ-kʋ yɔ+
Nɛ weyi ɛkpaɣ e-nesi se sɩtaala paa kɩdɛkɛdɩm nabʋyʋ yɔ.
3 Ɛgɔm weyi ɛkpɛndɩɣ Yehowa yɔɔ yɔ,+ pɩtɩpɔzɩ se ɛyɔɔdɩ se:
“Pɩtʋʋ fɛyɩ se Yehowa kaɣ yasʋʋ ma nɛ ɛ-samaɣ ɖɛ-hɛkʋ taa.”
Nɛ pɩtɩpɔzɩ se eliŋgiye ɛyɔɔdɩ se: “Ɩna! Mɛnkɛ tɩʋ ŋgʋ kɩwɩlaa yɔ.”»
4 Mbʋ pʋyɔɔ yɔ tɔm tʋnɛ Yehowa yɔɔdʋʋ: «Aliŋga wena añaŋ man-sabaatɩwaa nɛ alɩzɩɣ mbʋ pɩkɛdɩɣnɩ-m nɛ añɔʋnɩ mɛ-ɛgbɛyɛ kpam yɔ,
5 Mankaɣ-yɛ haʋ tɔzʋʋ pɩyɛ nɛ hɩɖɛ man-ɖɩɣa taa nɛ mon-kolonzi taa,
Mbʋ pɩwɛ ɖeu nɛ pɩkɩlɩ evebiya nɛ pɛlaa yɔ.
Mankaɣ-yɛ haʋ tamtam hɩɖɛ,
Hɩɖɛ nɖɩ ɖɩɩkaɣ ɖɩm yɔ.
6 Piyele nɛ agɔma mba pɛkpɛndɩɣ Yehowa yɔɔ se paɖʋ-ɩ lɩm,
Se pɔsɔɔlɩ Yehowa hɩɖɛ+
Nɛ pɛkɛ ɛ-sɛyaa,
Mba payɩ pañaŋ Sabaatɩ nɛ paapisiɣ-kʋ
Nɛ pɔñɔʋnɩ mɛ-ɛgbɛyɛ kpam yɔ,
7 Mankaɣ-wɛ ɖɔɖɔ wonuu man-pʋʋ kiɖeɖeu yɔɔ+
Nɛ meyele nɛ pɛmɛyɩ ma-adɩma ɖɩɣa taa.
Mankaɣ mʋʋ pa-kɩlaŋ kɩñaɣzɩŋ nɛ pa-kɩlaŋ lɛɛŋ weyi pakaɣ laʋ ma-altaaru yɔɔ yɔ.
Mbʋ pʋyɔɔ yɔ pakaɣ man-ɖɩɣa yaʋ se samasɩ kpeekpe adɩma ɖɩɣa.»+
8 Kɩbaɣlʋ Kɩlɩm Yehowa, weyi eɖiɣni kpeɣluu Izrayɛɛlɩ ɛyaa mba pamɩzaa yɔ,+ ɛyɔɔdʋʋ se:
«Mankaɣ kpeɣluu ɛ-cɔlɔ ɛyaa lalaa nɛ pɩtasɩnɩ mba pɛtɛm-wɛ kpeɣluu yɔ.»+
9 Mɩ, ñɩtʋ taa tɛtɛgbɩna kpeekpe, ɩkɔɔ nɛ ɩtɔɔ,
Mɩ, laʋ tɛɛ tɛtɛgbɩna kpeekpe.+
10 E-feŋiyaa kɛ yʋlʋmaa,+ pa-taa nɔɔyʋ tiɖiɣzina.+
Pa-tɩŋa pɛkɛ hasɩ kaayɔɔdasɩ nzɩ sɩɩpɩzɩɣ kpezuu yɔ.+
Peɖiɣni fezuu fʋʋʋ fʋʋʋ, pahɩnaa; pɔsɔɔlɩ ɖou.
11 Pɛkɛ hasɩ nzɩ sɩtɔkɩ pɩdɩɩfɛyɩ yɔ;*
Paahakɩ kaaʋ.
Pɛkɛ ninɖiɣyaa mba pɛfɛyɩnɩ tɔm taa nɩʋ lɛɣtʋ yɔ.+
Pa-tɩŋa pakpaɣ pa-maɣmaɣ pa-nʋmɔʋ;
Pa-taa paa weyi ñɩnɩɣ ɛ-maɣmaɣ e-mulum kɛzɛɣa nɛ ɛyɔɔdʋʋ se:
12 «Ɩkɔɔ, iyele nɛ mañɩnɩ vɛɛ nɛ mɔnkɔna,
Nɛ iyele nɛ ɖɩñɔɔ sʋlʋm ɖoŋ ñɩmbʋ nɛ ɖɩhaɣ.+
Nɛ cee kaɣ wɛʋ ɛzɩ sɔnɔ yɔ, halɩ cee kaɣ wɛʋ ɖeu nɛ pɩkpaɖɩ!»