• Izaayii 56:6, 7
    Bibl—Ɛjaɖɛ kɩfaɖɛ tɔm ɖɛzʋʋ

    •  6 Piyele nɛ agɔma mba pɛkpɛndɩɣ Yehowa yɔɔ se paɖʋ-ɩ lɩm,

      Se pɔsɔɔlɩ Yehowa hɩɖɛ+

      Nɛ pɛkɛ ɛ-sɛyaa,

      Mba payɩ pañaŋ Sabaatɩ nɛ paapisiɣ-kʋ

      Nɛ pɔñɔʋnɩ mɛ-ɛgbɛyɛ kpam yɔ,

       7 Mankaɣ-wɛ ɖɔɖɔ wonuu man-pʋʋ kiɖeɖeu yɔɔ+

      Nɛ meyele nɛ pɛmɛyɩ ma-adɩma ɖɩɣa taa.

      Mankaɣ mʋʋ pa-kɩlaŋ kɩñaɣzɩŋ nɛ pa-kɩlaŋ lɛɛŋ weyi pakaɣ laʋ ma-altaaru yɔɔ yɔ.

      Mbʋ pʋyɔɔ yɔ pakaɣ man-ɖɩɣa yaʋ se samasɩ kpeekpe adɩma ɖɩɣa.»+

  • Izaayii 66:20
    Bibl—Ɛjaɖɛ kɩfaɖɛ tɔm ɖɛzʋʋ

    • 20 Pakaɣ kpaɣʋ mi-koobiya kpeekpe nɛ ajɛɛ kpeekpe taa nɛ pɔkɔna+ se pɛkɛ kʋjɔʋ Yehowa; pakaɣ-wɛ kpaɣʋ kpaŋnaŋ yɔɔ, kɛɛkɛɛnaa taa, kɛɛkɛɛnaa mba pohuuzi pɔ-yɔɔ yɔ pa-taa, kpaŋasɩ yɔɔ nɛ aɖaaɖaanaa mba peseɣ lɛɛ lɛɛ yɔ pɔ-yɔɔ, nɛ pakpanɩ man-pʋʋ kiɖeɖeu yɔɔ, Yeruzalɛm, ɛzɩ alɩwaatʋ ndʋ Izrayɛɛlɩ samaɣ kɔŋnɩ ka-haɖɛ ñanaɣ kele kele ñɩŋga taa Yehowa ɖɩɣa taa yɔ,» Yehowa yɔɔdʋʋna.

  • Ezekɩyɛɛlɩ 20:40
    Bibl—Ɛjaɖɛ kɩfaɖɛ tɔm ɖɛzʋʋ

    • 40 «“Mbʋ pʋyɔɔ yɔ, Izrayɛɛlɩ ɖɩɣa kpeekpe, pa-tɩŋa payɩ, pakaɣ-m sɛʋ ɛjaɖɛ taa+ man-pʋʋ kiɖeɖeu taa, Izrayɛɛlɩ pʋʋ kʋkʋyʋʋ nakʋyʋ yɔɔ.+ Pɔ-tɔm kaɣ-m kɛdɩnʋʋ peeɖe, nɛ mankaɣ pɔzʋʋ se ɩkɔnɩ-m mɩ-haɖɛ nɛ mɩ-haɖɛ taa kajalaɣ pee, mi-wondu kiɖeɖetu tɩŋa,”+ Kɩbaɣlʋ Kɩlɩm Yehowa yɔɔdʋʋna.