Izaayii
1 Natʋ ndʋ Amoozɩ pɩyalʋ Izaayii*+ nawa pɩlɩɩnɩ Yuuda nɛ Yeruzalɛm yɔɔ, Yuuda awiya+ Uziya,+ Yotam,+ Ahaazɩ+ nɛ Ezekiyaasɩ+ pa-alɩwaatʋ taa yɔ:
2 Oo ɛsɔdaa, nɩɩ; nɛ Oo tɛtʋ, welisi,+
Mbʋ pʋyɔɔ yɔ Yehowa yɔɔdaa se:
3 Nɔ* sɩm weyi ɛyabɩ-ɩ yɔ camɩyɛ,
Nɛ kpaŋaɣ sɩm ɖenɖe ka-tʋ ɖʋʋ-kɛ tɔɔnaɣ yɔ;
Ma-maɣmaɣ man-samaɣ ɛɛwɩlɩɣ se kɛwɛnɩ tɔm taa nɩʋ lɛɣtʋ.»
4 Pɩtɔɔ ɛjaɖɛ nɖɩ ɖɩlakɩ kɩwɛɛkɩm yɔ,+
Samaɣ ŋga ka-kɩwɛɛkɩm wɛ yuŋ kpem yɔ,
Ɛyaa kɩdɛkɛdaa piya, piya nzɩ sɩwɛɛkaa yɔ!
5 Mi-le pakaɣ tasʋʋ mabʋ, mɩ-kaañamtʋ ndʋ ɩwɛɛ nɛ ɩtɛzɩɣ labʋ yɔ tɩ-yɔɔ?+
Pɩwɩɣ ñʋʋ kpeekpe,
Nɛ laŋɩyɛ kpeekpe hɩnɩ kʋdɔŋ.+
6 Kpaɣnɩ naatalʋʋ tɛɛ nɛ pɩkpa ñʋʋ taa, ɖoli fɛyɩ alaafɩya.
7 Mɩ-ɛjaɖɛ pɩsɩ njɛyɛ.
Pañaɣzɩ mɩ-tɛtʋ ndɩ ndɩ miŋ.
Agɔma tɔkɩ mɩ-ɛjaɖɛ siŋŋ mɩ-maɣmaɣ mɩ-ɛsɩndaa.+
Ðɩwɛ ɛzɩ tɛtʋ ndʋ agɔma yɔkɩ-tʋ nɛ tɩpɩsɩ njɛyɛ yɔ.+
8 Peyebi Siyɔŋ pɛlɛ ɛzɩ kizinziku* ŋgʋ kɩwɛ viiñi hayɩm taa yɔ,
Ɛzɩ cokiye nɖɩ ɖɩwɛ kɔŋkɔmbɩrɩ hayɩm taa yɔ,
Ɛzɩ tɛtʋ ndʋ pɛñɛyɩ-tʋ yɔ.+
9 Ye yoyaa tɛ Yehowa etaayele nɛ pɩkazɩ ɖa-taa nabɛyɛ pazɩ nɛ pɛ-ɛsa yɔ,
Ðɩɩpɩsɩ ɖeyi ɖeyi ɛzɩ Sodom yɔ,
Nɛ ɖɩɩwɛ ɛzɩ Gomɔɔrɩ yɔ.+
10 Ɩnɩɩ Yehowa tɔm, mɩ Sodom ñʋndɩnaa kañatʋ tɩnaa.*+
Iwelisi ɖɛ-Ɛsɔ paɣtʋ,* mɩ Gomɔɔrɩ mba.+
11 «Mɩ-kɩlaŋ sakɩyɛ wazɩɣ-m we?»+ Yehowa yɔɔdʋʋna.
«Mañɩɣzɩ mɩ-ɛyaŋ kɩlaŋ kɩñaɣzɩŋ+ nɛ kpɩna wena pacalɩ-yɛ camɩyɛ yɔ a-num,+
Nɛ man-taa ɛɛlakɩ leleŋ nɛ naŋ* abalɩñɩŋ+ nɛ heɣsi nɛ pʋŋ+ pa-calɩm.+
12 Alɩwaatʋ ndʋ ɩkɔŋ mɛ-ɛsɩndaa se ɩsɛ-m yɔ,+
Apɔzɩ-mɩ se ɩla mbʋ,
Apɔzɩ-mɩ se ɩfɛyɩɣ man-kadasɩ taa mbʋ?+
13 Iyele kɔnʋʋ tɔɔnaɣ pee kɩlaŋ weyi ɩɩwazɩɣ pʋyʋ yɔ.
Manpaɖɩɣ mi-ŋgee tɩlaaɖɩ.+
Fenasɩ kɩfasɩ,+ sabaatɩwaa,+ kigbeɣliŋ ɖʋtʋ ndʋ ɩlakɩ yɔ+
—Maapɩzɩɣ nɛ maha nʋmɔʋ nɛ iwolo pɩ-yɔɔ nɛ ɩlakɩ mi-ŋgee kigbeɣluu alɩwaatʋ ndʋ ɩlakɩnɩ tʋmɩyɛ maajiki ɖoŋ+ yɔ.
14 Manpaɖɩ* mi-fenasɩ kɩfasɩ nɛ mɩ-kazandʋ ndɩ ndɩ.
Pɩpɩsɩ-m sʋʋtʋ;
Pɩnɩ-m nɛ tɩ-sɩɣlʋʋ.
15 Nɛ alɩwaatʋ ndʋ iposuu mɩ-nandasɩ yɔ,
Mɛnkɛzɩɣ mɛ-ɛsa kɩjaʋ.+
17 Ɩkpɛlɩkɩ kɩbandʋ labʋ, ɩñɩnɩ siɣsiɣ wɛtʋ,+
Ikizini tɔm ɛyaa nazɩyʋ nɛ ɩsɩnɩ-ɩ nɛ ɛñɔɔzɩ ɛ-wɛtʋ,
Ɩlʋ pɩɣa ŋga kɛfɛyɩnɩ caa yɔ,* ka-wala yɔɔ,
Nɛ ɩlʋ lelu yɔɔ.»+
18 «Lɛɛlɛɛyɔ lɛ, ɩkɔɔ nɛ ɖɩñɔɔzɩ tɔm ɖɛ-hɛkʋ taa,» Yehowa yɔɔdʋʋna.+
«Paa mɩ-kɩwɛɛkɩm ɩsɛ cɩɩɩ ɛzɩ calɩm yɔ,
Pɩkaɣ hʋlʋmʋʋ ɛzɩ ɖɔmbɛɛ yɔ;+
Paa pɩɩsɛ cɩɩɩ ɛzɩ pɩsaʋ kɩsɛɛmʋʋ cɩɩɩ yɔ,
Pɩkaɣ hʋlʋmʋʋ ɛzɩ heŋ hʋndʋ kʋhʋlʋmʋtʋ yɔ.
19 Ye itisi faaa nɛ iwelisi yɔ,
Ɩkaɣ tɔɔʋ ɛjaɖɛ taa wondu kɩbandʋ.+
21 Tɛtʋ ndʋ tɩɩwɛ siɣsiɣ yɔ,+ tɩpɩsɩ hayitu laɖʋ mbʋ suwe!+
23 Ña-awumbiya kɛ ñʋʋ taa ɖoŋ tɩnaa nɛ mɩlaa taabalaa.+
Pa-taa paa weyi lɛ ɛsɔɔlɩ mulum kʋjɔʋ nɛ eseɣ kʋjɔŋ wayɩ.+
Paahʋʋ weyi ɛfɛyɩnɩ caa yɔ* ɛ-tɔm siɣsiɣ,
Nɛ ye lelu ɛwɛnɩ tɔm se pahʋʋ-tʋ yɔ, tɩɩtalɩɣ pɔ-cɔlɔ kpa.+
24 Pʋyɔɔ lɛ, Kɩbaɣlʋ toovenim tʋ, yoyaa tɛ Yehowa,
Izrayɛɛlɩ tɛ Ðoŋ Tʋ yɔɔdʋʋ se:
«Na! Mankaɣ kʋsʋʋ mon-koyindinaa,
Nɛ mankaɣ mon-koyindinaa kpaʋ kɩmɩyɛ.+
25 Mankaɣ kɛzʋʋ me-nesi nɛ ñɔ-yɔɔ,
Mankaɣ yebu nɛ ño-wondu falaa ñɩndʋ yoli ɛzɩ sɔsɔɔna papɩyɩ tɩ-yɔɔ yɔ,
Nɛ mankaɣ hɩzʋʋ ña-azuluma kpeekpe.+
26 Mankaɣ pɩsɩnʋʋ ñɔ-tɔm hʋyaa ɛzɩ kiɖe tɛɛ yɔ
Nɛ ñɔ-lɔŋ tasɩyaa ɛzɩ ɖɩbazɩyɛ taa yɔ.+
Pʋwayɩ lɛ, pakaɣ-ŋ yaʋ se Siɣsiɣ Wɛtʋ Tɛtʋ, Tɛtʋ ndʋ Tɩwɛ Toovenim yɔ.+
27 Tɔm hʋʋ siɣsiɣ pakaɣ yabɩnʋʋ Siyɔŋ ñʋʋ,+
Nɛ siɣsiɣ wɛtʋ pakaɣ yabɩnʋʋ kɩ-ɛyaa mba papɩsɩɣ yɔ pa-ñʋʋ.
29 Mbʋ pʋyɔɔ yɔ fɛyɛ kaɣ-wɛ kpaʋ nɛ tɩŋ sɔsɔŋ weyi ɩɩsɔɔlaa yɔ,+
30 Mbʋ pʋyɔɔ yɔ ɩkaɣ pɩsʋʋ ɛzɩ tɩʋ sɔsɔʋ ŋgʋ kɩ-hatʋ lowa yɔ,+
Nɛ ɛzɩ kaɖaɣ ŋga ka-taa lɩm fɛyɩ yɔ.
31 Ɛyʋ ɖoŋ tʋ kaɣ pɩsʋʋ pɩsatʋ,*
Nɛ ɛ-tʋmɩyɛ kaɣ pɩsʋʋ mamacɩka;
Pa-naalɛ pakaɣ mʋʋ miŋ alɩwaatʋ kʋɖʋmtʋ taa,
Nɛ nɔɔyʋ ɛɛkaɣ wɛʋ se ɛɖɩzɩ-ɩ.»