Roma mba
13 Paa ɛyʋ* weyi lɛ, eluzi ɛ-tɩ ñʋndɩnaa sɔsaa tɛɛ,+ mbʋ pʋyɔɔ yɔ ɖoŋ nɩɩyɩ fɛyɩ nɛ pɩtɩkɛ Ɛsɔ cɔlɔ ɩlɩnaa;+ ñʋndɩnaa mba pɛwɛɛ yɔ, Ɛsɔ hanɩ-wɛ nʋmɔʋ se pɛwɛɛ lona ndɩ ndɩ taa.*+ 2 Pʋyɔɔ lɛ, weyi ɛkaɖɩɣnɩ ñʋʋdʋ yɔ, ɛkaɖɩnɩ ɖʋtʋ ndʋ Ɛsɔ laba yɔ; ɛyaa mba pakaɖɩɣnɩ-tʋ yɔ, pakaɣ kɔnʋʋ tɔm hʋʋ pa-maɣmaɣ pɔ-yɔɔ. 3 Mbʋ pʋyɔɔ yɔ ñʋndɩnaa mba, pɩtɩkɛ lakasɩ kɩbanzɩ yɔɔ pɛkɛ sɔɔndʋ pʋyʋ, ɛlɛ lakasɩ kɩdɛkɛdɩsɩ yɔɔ.+ Ŋsɔɔlaa se sɔɔndʋ ɛtaakpa-ŋ nɛ ñʋʋdʋ na? Wɛɛ kɩbandʋ labʋ yɔɔ,+ ŋkaɣ mʋʋ samtʋ ɛ-cɔlɔ; 4 mbʋ pʋyɔɔ yɔ ɛkɛ Ɛsɔ lɩmɖʋyʋ ñɔ-yɔɔ se pɩwazɩ-ŋ. Ɛlɛ ye ŋlakɩ mbʋ pɩfɛyɩ ɖeu yɔ, wɛɛ sɔɔndʋ taa, mbʋ pʋyɔɔ yɔ pɩtɩkɛ yem nɛ ɛɖɔkɩ laɣɖɛ. Ɛkɛ Ɛsɔ lɩmɖʋyʋ, ɛkɛ kɩmɩyɛ kpayʋ se ɛwɩlɩ pana* weyi ɛlakɩ mbʋ pɩfɛyɩ ɖeu yɔ.
5 Pʋyɔɔ pɩcɛyaa kpem se iluzi mɩ-tɩ, pɩtaakɛ pana ana a-ɖeke a-yɔɔ ɛlɛ mɩ-ɛhʋyɛ yɔɔ ɖɔɖɔ.+ 6 Pʋyɔɔ ɩhɛyɩɣ ɖɔɖɔ lambuu; mbʋ pʋyɔɔ yɔ pɛkɛ Ɛsɔ lɩmɖʋyaa samaɣ taa nɛ palakɩ tʋmɩyɛ tam kaɖʋwa ŋga kɔ-yɔɔ. 7 Ɩcɛlɩ paa weyi mbʋ pɩpɔzʋʋ se pɛcɛlɩ-ɩ yɔ: weyi ɛpɔzʋʋ lambuu yɔ, ɩcɛlɩ-ɩ lambuu;+ weyi ɛpɔzʋʋ tikee yɔ, ɩcɛlɩ-ɩ tikee; weyi ɛpɔzʋʋ se pese-i sɔɔndʋ yɔ, ise-i sɔɔndʋ;+ weyi ɛpɔzʋʋ hɩɖɛ ɖʋʋ yɔ, ɩɖʋ-ɩ hɩɖɛ.+
8 Ɩtaatɔɔ nɔɔyʋ kɩmɩyɛ naɖɩyɛ nɛ pɩtɩkɛ ɖama sɔɔlʋʋ kɩmɩyɛ;+ mbʋ pʋyɔɔ yɔ weyi ɛsɔɔlʋʋ ɛyʋ lɛlʋ yɔ, ɛɖɔm paɣtʋ yɔɔ.+ 9 Mbʋ pʋyɔɔ yɔ paɣtʋ ndʋ pamawa se: «Taala acɛyɛ,+ taakʋ ɛyʋ,+ taamɩlɩ,+ taaɖʋ ɛsɩyɛ,»+ nɛ tɔm lɛɛtʋ ndʋ payɩ pɔyɔɔdɩ paɣtʋ taa yɔ, pekpeɣli-tʋ tɔm tʋnɛ tɩ-taa: «Sɔɔlɩ ɛyʋ lɛlʋ* ɛzɩ ña-maɣmaɣ yɔ.»+ 10 Sɔɔlɩm ɛɛlakɩ ɛyʋ lɛlʋ kɩdɛkɛdɩm;+ ye mbʋ, sɔɔlɩm kɛnɩ paɣtʋ yɔɔ ɖɔm.+
11 Ɩla mbʋ, mbʋ pʋyɔɔ yɔ ɩsɩm alɩwaatʋ ndʋ tɩ-taa ɖɩwɛɛ yɔ, se ñɩɣyʋʋ tɛm talʋʋ se ifemni ɖom yɔɔ,+ mbʋ pʋyɔɔ yɔ lɛɛlɛɛyɔ ɖa-ñʋʋ yabʋ ñɔtaa nɛ pɩkɩlɩ alɩwaatʋ ndʋ ɖɩɩpɩsɩ mba pɛwɛnɩ tisuu yɔ. 12 Ðoo ɖɛwa; tɛʋ wɩzɩ fem. Ye mbʋ, ɖɩlɔ cɩkpɛndʋʋ tɛɛ tʋma+ nɛ ɖisuu ñalɩmɩyɛ you wondu.+ 13 Ðɩɖɔ camɩyɛ+ ɛzɩ wɩsɩ taa yɔ, ɖɩtaalakɩ kazandʋ ndʋ tɩ-taa pɛɖɛlɛsɩɣ niye yɔ nɛ ɖɩtaakpaŋɩɣ sʋlʋm, ɖɩtaacakɩ kʋzʋʋ kɩdɛkɛdʋʋ wezuu nɛ ɖɩtaalakɩ lakasɩ nzɩ sɩwɛ fɛyɛ yɔ,*+ ɖɩtaalakɩ you nɛ sʋsɩ.+ 14 Ɛlɛ ɩkpaɣ Kɩbaɣlʋ Yesu Krɩstʋ nɛ isuu,+ nɛ ɩtaawɛɛ nɛ ɩlakɩ ɖʋtʋ tomnaɣ sɔɔlɩm labʋ yɔɔ.+