Izaayii
9 Ɛlɛ, cɩkpɛndʋʋ ɛɛkaɣ wɛʋ ɛzɩ alɩwaatʋ ndʋ ɛjaɖɛ kaawɛ kʋñɔŋ taa yɔ, ɛzɩ caanaʋ taa, alɩwaatʋ ndʋ paanim Zebulɔɔnɩ ɛjaɖɛ nɛ Naftalii ɛjaɖɛ yɔ.+ Ɛlɛ, pʋwayɩ lɛ Ɛsɔ kaɣ yebu nɛ paɖʋ-ɖɩ hɩɖɛ—teŋgu nɔɔ nʋmɔʋ, Yɔɔrdaŋ egeetiye taa, ajɛɛ tɛ Galilee.
2 Samaɣ ŋga kaawɛɛ nɛ kɔɖɔŋ cɩkpɛndʋʋ taa yɔ,
Kana ñalɩmɩyɛ sɔsɔɖɛ naɖɩyɛ.
Piyele nɛ mba pacaɣ cɩkpɛndʋʋ sɔsɔʋ ɛjaɖɛ taa yɔ,
Ñalɩmɩyɛ ñandɩ pɔ-yɔɔ.+
3 Ŋyeba nɛ ɛjaɖɛ taa mba ɖɔɔ;
Ŋyeba nɛ ɖɩ-taa tasɩ labʋ leleŋ nɛ pɩkpaɖɩ.
Pɛmɛyɩɣ ñɛ-ɛsɩndaa
Ɛzɩ ɛyaa mɛyʋʋ kʋmtʋ alɩwaatʋ taa yɔ,
Ɛzɩ mba patayɩɣ mbʋ pamʋwa yɔ nɛ amɛya yɔ.
4 Mbʋ pʋyɔɔ yɔ ŋpʋʋtɩ pa-sʋʋtʋ ɖaʋ yʋbɩlɛɛɛ,
Ðaʋ ŋgʋ kɩwɛ pa-hazasɩ yɔɔ yɔ, tʋmɩyɛ yɔɔ cɔnɩyʋ ɖaʋ,
Ɛzɩ Madiyaŋ alɩwaatʋ taa yɔ.+
5 Sɔɔjanaa naakoma wena pɔɖɔŋ nɛ añamsɩɣ tɛtʋ yɔ
Nɛ toko ŋgʋ petisi-kʋ calɩm taa yɔ
Pakaɣ pɩsʋʋ mbʋ piyeki nɛ miŋ mʋʋ camɩyɛ yɔ.
Pakaɣ-ɩ yaʋ se Lɔŋ Tasɩyʋ Kɩbanʋ,+ Ɛsɔ Ðoŋ Tʋ,+ Tamtam Caa, Laŋhɛzɩyɛ Awumbu.
7 E-kewiyitu tɔɔʋ* kaɣ talʋʋ paa le
Nɛ laŋhɛzɩyɛ ɛɛkaɣ wɛnʋʋ tɩnaɣ+
Daviid kewiyaɣ kpelaɣ+ yɔɔ nɛ e-kewiyaɣ taa
Se pɩsa nɛ ɛkam-kɛ camɩyɛ+ nɛ ɛɖɔkɩ-kɛ
Pɩtɩŋnɩ mbʋ pɩtʋʋzaa yɔ+ pɩ-labʋ yɔɔ nɛ siɣsiɣ wɛtʋ+ yɔɔ
Kpaɣnɩ lɛɛlɛɛyɔ nɛ pɩɖɛɛ tam tam.
Yoyaa tɛ Yehowa kpekpeka kaɣnɩ labʋ mbʋ.
8 Yehowa tiyini tɔm se ɛpaɣ Yakɔɔb,
Nɛ tɩkɔɔ Izrayɛɛlɩ yɔɔ.+
9 Nɛ ɛyaa kpeekpe kaɣ-tʋ tɩlʋʋ
—Efrayim nɛ Samaarii taa mba—
Mba pɔyɔɔdʋʋnɩ tɩ kpazʋʋ nɛ laŋɩyɛ ɖoŋ se:
10 «Filikinaa tɔlaa,
Ɛlɛ ɖɩkaɣ manʋʋ pɛɛ wena pasaɣaa yɔ.+
Pɛsɛtɩ sikomɔɔrɩ tɩŋ,
Ɛlɛ ɖɩkaɣ lɛɣzʋʋ i-lone taa sɛɛdrɩ tɩŋ.»
11 Yehowa kaɣ kʋsʋʋ Reziini koyindinaa nɛ pakaɖɩnɩ-ɩ
Nɛ ɛkaɣ seɣtuu e-koyindinaa se pakʋyɩ ɛ-yɔɔ,
12 Siirii kaɣ lɩnʋʋ wɩsɩ ɖɩlɩyɛ taa nɛ Filistii mba ñalɩɩnɩ wɩsɩ ɖɩɖʋyɛ taa,*+
Pakaɣ hou pɔ-nɔsɩ nɛ pɔtɔɔ Izrayɛɛlɩ.+
Pɩtɩŋa payɩ mbʋ yɔ pʋyɔɔ lɛ, ɛ-pana tɩhɛɛ,
Ɛlɛ ɛkpazɩ e-nesi mbʋ se ɛma.+
13 Mbʋ pʋyɔɔ yɔ samaɣ tɩpɩsɩ weyi ɛmakɩ-kɛ yɔ ɛ-cɔlɔ;
Katɩñɩnɩ yoyaa tɛ Yehowa.+
15 Ɛzʋtʋyʋ nɛ ɛyʋ weyi pañaŋɩ-ɩ siŋŋ yɔ lɛ ñʋʋ,
Nɛ nayʋ weyi ɛwɩlɩɣ cɛtɩm tɔm yɔ lɛ suu.+
16 Mba peɖiyiɣ samaɣ kanɛ yɔ, pɛwɛɛ peyeki nɛ koyotuu,
Nɛ mba ɖiyiyaa wɛɛ nɛ peɖiyiɣ yɔ pisidi-wɛ.
17 Pʋyɔɔ Yehowa taa ɛɛkaɣ labʋ leleŋ nɛ pe-evebiya,
Nɛ ɛɛkaɣ naʋ pe-piya nzɩ sɩfɛyɩnɩ caanaa yɔ* nɛ pe-lelaa pa-pʋtɔdɩyɛ
Mbʋ pʋyɔɔ yɔ pa-tɩŋa payɩ pɛkɛ tisuu yebiyaa nɛ kɩwɛɛkɩm laɖaa+
Nɛ paa nɔɔ ŋga lɛ kɔyɔɔdʋʋ kɩmɛlɛndʋ tɔm.
Pɩtɩŋa payɩ mbʋ yɔ pʋyɔɔ lɛ, ɛ-pana tɩhɛɛ,
Ɛlɛ ɛkpazɩ e-nesi mbʋ se ɛma.+
18 Mbʋ pʋyɔɔ yɔ kañatʋ lakasɩ mʋʋ ɛzɩ miŋ yɔ,
Sɩñakɩ sɔɔ cɔka nɛ ñɩtʋ kɩdɛkɛdɩtʋ.
Sɩkaɣ ɖʋʋ miŋ laʋ tɛɛ hɔɖɩŋ,
Nɛ ɩ-ñɔsɩ kaɣ kpaʋ tulutulu.
19 Yoyaa tɛ Yehowa pana sɔsɔna taa lɛ
Ɛjaɖɛ mʋ miŋ,
Nɛ ɛyaa kaɣ pɩsʋʋ mbʋ piyeki nɛ miŋ mʋʋ camɩyɛ yɔ.
Nɔɔyʋ ɛɛkaɣ naʋ e-koobu maɣmaɣ pʋtɔdɩyɛ.
20 Ɛyʋ kaɣ sɛtʋʋ mbʋ pɩwɛ nɩwaŋ yɔɔ yɔ
Ɛlɛ ñɔɔsɩ ɖiɣni-i wɩʋ mbʋ;
Nɛ ɛyʋ kaɣ tɔɔʋ mbʋ pɩwɛ nɩmɩyɛ yɔɔ yɔ
Ɛlɛ ɛɛkaɣ haɣʋ.
Paa weyi ɛkaɣ tɔɔʋ ɛ-maɣmaɣ ɛ-nɩŋgbɛɛŋa yɔɔ nandʋ,
21 Manaasee kaɣ tɔɔʋ Efrayim,
Nɛ Efrayim ñakaɣ tɔɔʋ Manaasee.
Pakaɣ kpɛndʋʋ nɛ pakʋyɩ Yuuda yɔɔ.+
Pɩtɩŋa payɩ mbʋ yɔ pʋyɔɔ lɛ, ɛ-pana tɩhɛɛ,
Ɛlɛ ɛkpazɩ e-nesi mbʋ se ɛma.+