Hendu teyaa ñʋʋdʋ. Daviid hendu.
65 Oo Ɛsɔ, samtʋ ɖaŋɩ-ŋ Siyɔŋ taa;+
Ðɩkaɣ ɖɔm ɖuutu ndʋ ɖɩlabɩ-ŋ yɔ tɩ-yɔɔ.+
2 Oo adɩma Welisiyu, tomnasɩ kpeekpe ɛyaa kaɣ kɔm ñɔ-cɔlɔ.+
3 Man-kɩwɛɛkɩm hu mɔ-yɔɔ,+
Ɛlɛ ŋhuuzuu ɖa-kɩdɛkɛdɩm yɔɔ.+
4 Koboyaɣ tʋ lɛ ɛyʋ weyi ŋlɩzɩɣ-ɩ nɛ ŋkɔnɩ-ɩ
Se ɛwɛɛ ña-kadaɣ taa yɔ.+
Ðe-liu kaɣ sɩbɩnʋʋ kɩbandʋ ndʋ tɩwɛ ña-ɖɩɣa taa yɔ,+
Ñe-templo kiɖeɖeu taa yɔ.+
5 Siɣsiɣ wɛtʋ tʋma wena acaɣ sɔɔndʋ yɔ, ana ŋkaɣ-ɖʋ cosinuu,+
Oo Ɛsɔ, ɖa-ñʋʋ yaɖʋ;
Ñɛkɛnɩ tɛtʋ kamasɩ kpeekpe Lidaʋ+
Nɛ mba pɛwɛ ɖooo poliŋ taa teŋgu nɛ wayɩ yɔ pe-Lidaʋ.
6 Ño-ɖoŋ ŋcaɣzɩnɩ pʋŋ cɩŋ cɩŋ;
Ŋsu ɖoŋ.+
7 Ŋhɛzɩɣ teŋgunaa mba pɛwɛ hoɖe yɔ,+
Ŋhɛzɩɣ ɖɔɖɔ pa-lɩm hola kɔkɔɖɛ nɛ ajɛɛ kɔkɔɖɛ.+
8 Ña-yʋsasɩ kaɣ labʋ nɛ mba pɛwɛ poliŋ taa yɔ peseli;+
Ŋkaɣ labʋ nɛ mba pɛwɛ kpaɣnɩ wɩsɩ ɖɩlɩyɛ nɛ piwolo wɩsɩ ɖɩɖʋyɛ taa yɔ pama taa leleŋ kubusi.
9 Ŋcɔŋnɩ tɛtʋ yɔɔ,
Ŋlakɩ nɛ tɩlʋlʋʋ tɔɔnaɣ sakɩyɛ nɛ tɩwɛɣ mʋzʋŋ.+
Lɩm su Ɛsɔ lemeɣa taa;
Ŋhaɣ ɛyaa tɔɔnaɣ pee,+
Mbʋ pʋyɔɔ yɔ mbʋ ŋñɔɔzɩ tɛtʋ.
10 Ŋmɩzɩɣ lɩm tɩ-habɛɛ taa nɛ ŋyɔlɩsʋʋ ti-pola;
Ŋhʋzʋʋ-tʋ nɛ tɛŋ sɔsɔŋ; ŋwazɩɣ mbʋ pɩñɔʋ tɩ-yɔɔ yɔ.+
11 Ŋcanɩɣ pɩnaɣ nɛ ña-kɩbandʋ ɛzɩ awiya hulaɣ ŋcanɩɣnɩ-kɛ yɔ;
Wondu kɩbandʋ wadɩɣ ña-nʋmɔŋ taa.+
12 Ñɩtʋ lɛŋ ñɩndʋ su kpɩna ñɩtʋ ɖɩdɔɔyɛ lona wena awɛ kañɩmbusuu taa yɔ a-taa,+
Nɛ piyisi su taa leleŋ ɛzɩ toko yɔ.+
13 Kpɩna su ñɩtʋ ɖɩdɔɔyɛ taa ɖo,
Nɛ tɔɔnaɣ pee su fɛɛŋ taa ɖo.+
Wondu kpeekpe kou wabɩtʋ kogoye, ɛɛɛ, titeɣ hendu.+