Wɛɛ Koboyaɣwezuu taa Tɛtʋ yɔɔ Tamtam!

Palɩzɩ takayaɣ cikpelaɣ kɛnɛ se pɩsɩna-ŋ, nɛ ŋsɩ weyi ɛlaba tɛtʋ, nɛ mbʋ mbʋ pɩwɛ tɩ-yɔɔ yɔ. Ŋkaɣ sɩm se Ɛsɔ weyi ɛlaba tɛtʋ yɔ, ɛwɛna hɩɖɛ. Pɩ-taa ɖɔɖɔ ŋkaɣ naʋ mbʋ pʋ-yɔɔ Ɛsɔ laba ɛyʋ yɔ; nɛ mbʋ ŋpɩzɩɣ ŋla nɛ ŋwɛɛ koboyaɣwezuu taa tɛtʋ yɔɔ tamtam yɔ.

Ðɩtaɣ liu se kɩlɛmɩŋ sakɩyɛ weyi ɩwɛ pɩ-taa yɔ, ɩsɩɣna-ŋ nɛ ŋsɩ mbʋ pɩkɛnaa yɔ ɖeu. Ɛlɛ, pʋpɔzʋʋ se ŋkalɩ Bibl tɔm hɔɔlɩŋ weyi pama kɩlɛmɩŋ sakɩyɛ ɛnʋ ɩ-cɔlɔ yɔ nɛ pʋwazɩ-ŋ pɩkɩlɩ. Ŋlaba mbʋ yɔ, ña-maɣmaɣ ŋpɩzɩɣ ŋkalɩ nɛ ŋnɩɩ tamaɣ tɔm ndʋ Ɛsɔ ɖʋ Bibl taa yɔ tʋ-tɔbʋʋ, nɛ mbʋ Ɛsɔ tɔm se ŋla, nɛ pɩwazɩ-ŋ yɔ.

Pɩdɩtɩlɩ, ŋkaɣ ñɩnɩʋ se, ŋtɩŋna takayaɣ cikpelaɣ kɛnɛ, ka-taa tɔm yɔɔ nɛ ŋsɩna lalaa. Yee ŋwɛna piya, ŋpɩzɩɣ ŋtɩŋna tɩ-yɔɔ nɛ, ŋsɩna-sɩ, nɛ sɩsɩ Ɛsɔ. Yee ŋwɛ ɛjaɖɛ nɖɩ ɖɩ-taa ɛsɛtʋyaa sakɩyɛ ɩɩnaɣ takayaɣ yɔ kɔyɔ, ŋpɩzɩɣ ŋtɩŋna kɩlɛmɩŋ yɔɔ ŋsɩna-wɛ nɛ panɩɩ Ɛsɔ kaɖʋwa kutoluu, nɛ mba ɖɔɖɔ lɛ, papɩzɩ pasɩna pe-egeetiye taa ñɩma.

Ðɩtaɣ liu pɩŋŋ se takayaɣ cikpelaɣ kɛnɛ, ka-taa tɔm kaɣ-ŋ wazʋʋ sakɩyɛ, halɩ ŋsɩna lalaa, pasɩ mbʋ papɩzɩɣ pala nɛ pɛwɛɛ tɛtʋ yɔɔ cɩnɛ tamtam yɔ.