Hɔɔlʋʋ 9 yɔɔ kɔɔnɔɔ tɔm

Hɔɔlʋʋ kʋnɛ kɩyɔɔdʋʋ piya evelisi, nayaa nɛ awiya wena aawɩlaa se awɛnɩ tisuu Yehowa yɔɔ yɔ a-tɔm. Izrayɛɛlɩ halɩbɩɣa cikpelaɣ nakɛyɛ kaawɛ Siirii ɛjaɖɛ taa, kaawɛnɩ tisuu se Yehowa tɛ nayʋ pɩzɩɣ nɛ ɛwaa Namaanɩ. Nayʋ Eliizee kaawɛnɩ tisuu Yehowa yɔɔ se ɛkaɣ ɛ-yɔɔ kandɩyʋʋ se e-koyindinaa ɛtaalabɩ-ɩ pʋyʋ. Cɔjɔ kɩlɩm Yehoyiyada kandɩyɩ pɩɣa evelaɣ Yehowaasɩ yɔɔ se ke-neze, halʋ kɩdɛkɛdʋ Ataali ɛtaapɩzɩ nɛ ɛkʋ-kɛ, paa ɛɛnawa se pɩpɩzɩɣ nɛ pɩkɔnɩ ɛ-maɣmaɣ sɩm yɔ. Wiyaʋ Ezekiyaasɩ kaawɛnɩ tisuu se Yehowa huuzuu ɛ-samaɣ yɔɔ nɛ sɔɔndʋ tɩkpa-ɩ nɛ Asiirii mba. Wiyaʋ Yoziyaasɩ yeba nɛ sɩɩnaa laʋ sɩɩ tɩnaɣ ɛjaɖɛ taa, ɛñɔɔzɩ templo nɛ eseɣti samaɣ nɛ kaɖaɣnɩ paɣzʋʋ sɛʋ Yehowa kɩ-taa.