Ɛzɩma pɩwɛɛ se ɖɩlabɩnɩ takayaɣ kanɛ tʋmɩyɛ?

Hatʋ ndʋ tɩkɔŋ yɔ tɩ-yɔɔ, ŋkaɣ naʋ paa evemiye nɖɩ lɛ, ɖi-Bibl mayaɣ nɛ tɔm ndʋ pɔyɔɔdɩ kɔ-yɔɔ yɔ. Toovenim, papɩzɩɣ nɛ patazɩ mayaɣ ŋga ka-taa paa ɛzɩmtaa evemiye taa, ɛlɛ nabɛyɛ tɔŋ se pɩkɩlɩ weewee se patazɩ ka-taa tanaŋ tɛɛ. Piyeki nɛ papɩzɩ nɛ pamaɣzɩ mayaɣ ŋga kɔ-yɔɔ evemiye kpeekpe taa. Pɩkɩlɩɣ ɖeu se hɔʋ tɩŋa ɛkpɛndɩ nɛ kɩtazɩ evemiye mayaɣ taa. Mbʋ Betɛɛlɩ hɔŋ tɩŋa lakɩ ɛjaɖɛ kpeekpe yɔɔ pʋcɔ nɛ palɩzɩɣ sɔntɔ.

Tɔm ndʋ pamaɣ paa mayaɣ ŋga kɛ-tɛɛ yɔ, palɩzɩ-tʋ nɛ Feŋuu Tilimiye (w) takayɩsɩ nzɩ palɩzɩ kpaɣnɩ avril 2017 nɛ piwolo mars 2018 taa yɔ sɩ-taa. Masɩ nzɩ pama Feŋuu Tilimiye takayaɣ hɩɖɛ cɔlɔ yɔ, sɩwɩlɩɣ Feŋuu Tilimiye hayʋʋ (yaa hatʋ) nɛ tayʋʋ mbʋ pɩ-taa palɩzɩnɩ tɔm ndʋ yɔ. (Cɔnɩ anjaʋ pɩ-tɛɛ). Ðɩpɩzɩɣ nɛ ɖɩkalɩ tɔm lɛɛtʋ Feŋuu Tilimiye takayaɣ ŋga ka-ñʋʋ maɣmaɣ taa.