Lɔŋ tasʋʋ
Alɩwaatʋ ndʋ patasɩɣ-ɖʋ lɔŋ yɔ
Ɛbɛ yɔɔ pɩwɛɛ se ɖɩñɩnɩ lɔŋ tasʋʋ mbʋ pɩlɩnɩ Bibl taa yɔ?
Ke 32:8; Adu 15:22; 19:20; 20:18
Cɔnɩ ɖɔɖɔ Adu 11:14; Iza 28:29; Yer 32:19
Ye ɖitisiɣ lɔŋ weyi patasɩɣ-ɖʋ yɔ ɩ-yɔɔ yɔ, pɩwɛ ɖeu nɛ pɩkɩlɩ se ɖɩwɩlɩ se ɖɩwɛnɩ toovenim. Ɛbɛ yɔɔ?
Cɔnɩ ɖɔɖɔ Adu 1:23-31; 15:31
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
1Sa 15:3, 9-23—Alɩwaatʋ ndʋ nayʋ Samɩyɛɛlɩ heyi Wiyaʋ Sɔɔlɩ se mbʋ ɛlaba yɔ pɩfɛyɩ ɖeu yɔ, Sɔɔlɩ ñaɣ pana se ɛwɩlɩ se ɛwɛnɩ toovenim nɛ ɛtɩmʋ lɔŋ weyi patasɩ-ɩ yɔ; piyeba nɛ Yehowa lɔ-ɩ
2Kr 25:14-16, 27—Wiyaʋ Amaziya labɩ kɩwɛɛkɩm nɛ Yehowa nayʋ kɔɔ se ɛtasɩ-ɩ lɔŋ lɛ, ekizi lɔŋ weyi patasɩ-ɩ yɔ; piyeba nɛ ɛ-tɔm tɩtasɩ kɛdɩnʋʋ Yehowa nɛ ɛlɛ yele ɛ-yɔɔ kandɩyʋʋ
Mba pɛɖɛɣ nɔɔ nɛ patasɩɣ-ɖʋ lɔŋ yɔ, ɛbɛ yɔɔ pɩwɛɛ se ɖɩñam-wɛ?
1Te 5:12; 1Ti 5:17; Ebr 13:7, 17
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
3Yo 9, 10—Diyotrefɛɛsɩ taañaŋ mba pɛɖɛɣ nɔɔ Krɩstʋ ɛgbɛyɛ taa yɔ, pʋyɔɔ apostoloo Yohanɛɛsɩ kʋ ɛ-tɔm
Ɛbɛ yɔɔ pɩwɛɛ se ɖiwelisini akpadɩyaa?
Cɔnɩ ɖɔɖɔ Yɔb 12:12; 32:7; Tit 2:3-5
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
1Sa 23:16-18—Yonataanɩ kɩlɩ Daviid nɛ pɩnzɩ ɛzɩ 30 mbʋ yɔ, nɛ Daviid welisi ɛ-lɔŋ tasʋʋ lɛ pɩkpazɩ-ɩ ɖoŋ
1Aw 12:1-17—Ɛyaa mba pasʋtʋyaa yɔ patasɩ Wiyaʋ Robowam lɔŋ kɩbaŋ lɛ, ɛtɩɖɔ ɩ-yɔɔ; ɛlɛ lɔŋ kɩdɛkɛdɩŋ weyi evebiya tasɩ-ɩ yɔ ɩ-yɔɔ ɛɖɔma nɛ pɩkɔnɩ asɛyʋʋ
Ɛbɛ wɩlɩɣ se halaa mba pɛwɛ siɣsiɣ yɔ nɛ Yehowa sɛyaa mba pɛkɛ piya evelisi yɔ papɩzɩɣ nɛ patasɩ lɔŋ kɩbaŋ?
Yɔb 32:6, 9, 10; Adu 31:1, 10, 26; Ekl 4:13
Cɔnɩ ɖɔɖɔ Ke 119:100
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
1Sa 25:14-35—Abigayɛɛlɩ tasɩ Wiyaʋ Daviid lɔŋ nɛ pɩsɩnɩ-ɩ nɛ ɛtɩkʋ ɛyaa ɖulum
2Sa 20:15-22—Aabɛɛlɩ tɛtʋ taa halʋ lɔŋsɩnɖʋ nɔɔyʋ tɩŋnɩ ɛ-lɔŋ tasʋʋ yɔɔ nɛ ɛya tɛtʋ kpeekpe ñʋʋ
2Aw 5:1-14—Izrayɛɛlɩ halɩbɩɣa cikpelaɣ nakɛyɛ heyi you laɖʋ ɖoŋ tʋ nɔɔyʋ mbʋ ɛpɩzɩɣ ɛla nɛ ɛ-canatʋ waa yɔ
Ɛbɛ yɔɔ pɩfɛyɩ se ɖiwelisi lɔŋ weyi mba paañaŋ Yehowa nɛ ɛ-Tɔm yɔ patasɩɣ-ɖʋ yɔ?
Cɔnɩ ɖɔɖɔ Luk 6:39
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
1Kr 10:13, 14—Wiyaʋ Sɔɔlɩ tɩpɔzɩ se ɛtɩlɩ Yehowa lɩmaɣza, ɛlɛ ewoba nɛ ɛpɔzɩ weyi ɛsʋzʋʋ nɛ ɛyɔɔdʋʋnɩ sɩɖaa yɔ; piyeba nɛ ɛsɩ, mbʋ pʋyɔɔ yɔ ɛtaawɛɛ siɣsiɣ
2Kr 22:2-5, 9—Wiyaʋ Okoziyaasɩ sɩba, mbʋ pʋyɔɔ yɔ ewelisini lɔŋ tasɩyaa kɩdɛkɛdaa
Yɔb 21:7, 14-16—Yɔɔb kizaa se ɛɛwɛɣnɩ mba paañaŋ Yehowa yɔ pa-lɩmaɣza
Alɩwaatʋ ndʋ ŋtasɩɣ lɔŋ yɔ
Ɛbɛ yɔɔ pɩwɛɛ se ɖiwelisini mba tɔm natʋyʋ tukunaa yɔ, ɖɩtɩlɩ mbʋ payɩ pɩlaba yɔ pʋcɔ nɛ ɖɩtasɩ lɔŋ?
Cɔnɩ ɖɔɖɔ Adu 25:8
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
1Sa 1:9-16—Cɔjɔ kɩlɩm Elii taatɩlɩ wɛtʋ ndʋ tɩ-taa halʋ siɣsiɣ tʋ Hana kaawɛɛ yɔ, ɛmaɣzaɣ se sʋlʋm kʋwaɣnɩ-ɩ pʋyɔɔ ɛtɩtasɩ-ɩ lɔŋ nɛ nɔɔ kɩbaŋa
Mat 16:21-23—Apostoloo Pɩyɛɛrɩ taatɩlɩ tɔm tɩŋa; pʋyɔɔ lɛ, mbʋ eeheyi Yesu se ɛla yɔ, pɩɩkɛ Sataŋ sɔɔlɩm; pɩtaakɛ Yehowa sɔɔlɩm
Pʋcɔ nɛ ŋtasɩ lɔŋ lɛ, ɛbɛ yɔɔ pɩwɛɛ se ŋtɩmnɩ Yehowa se ɛsɩnɩ-ŋ?
Ke 32:8; 73:23, 24; Adu 3:5, 6
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
Ejl 3:13-18—Moyizi kaamaɣzaa se Izrayɛɛlɩ mba kaɣ pɔzʋʋ tɔm natʋyʋ; pʋyɔɔ etendi Yehowa se ɛsɩnɩ-ɩ nɛ ɛnʋ tɩlɩ ɛzɩma ɛkpaɣna nɛ ecosi tɩ-yɔɔ yɔ
1Aw 3:5-12—Wiyaʋ Salomɔɔ kaakɛ evebu lɛ, ɛtɩtaa ɛ-tɩ liu; ɛlɛ ɛɛpɔzɩ Yehowa lɔŋsɩnɖɛ, piyeba nɛ Yehowa wazɩ-ɩ
Ɛbɛ yɔɔ pɩwɛɛ se paa ɛzɩmtaa lɛ, lɔŋ weyi ɖɩtasɩɣ yɔ ɩlɩɩnɩ Bibl taa?
Ke 119:24, 105; Adu 19:21; 2Ti 3:16, 17
Cɔnɩ ɖɔɖɔ Wp 17:18-20
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
Mat 4:1-11—Sataŋ takɩ Yesu lɛ, Yesu tɩlabɩnɩ tʋmɩyɛ ɛ-maɣmaɣ ɛ-lɔŋsɩnɖɛ se ecosini-i; ɛlɛ Ɛsɔtɔm ɛlabɩnɩ tʋmɩyɛ
Yoh 12:49, 50—Tɔm ndʋ Yehowa wɩlɩ Yesu yɔ ndʋ Yesu wɩlaɣ ɛyaa paa ɛzɩmtaa, nɛ pɩkɛnɩ-ɖʋ kɩɖaʋ kɩbaŋʋ
Ɛbɛ yɔɔ pɩwɛɛ se ɖɩñaɣ pana nɛ alɩwaatʋ ndʋ ɖɩtasɩɣ nɔɔyʋ lɔŋ yɔ ɖɩla mbʋ nɛ nɔɔ kɩbaŋa, nɛ ɖɩñaɣ pana ɖɔɖɔ nɛ ɖɩñɩnɩ mbʋ pʋyɔɔ ɖɩsamɩ-ɩ yɔ?
Cɔnɩ ɖɔɖɔ Iza 9:6; 42:1-3; Mat 11:28, 29
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
2Kr 19:2, 3—Yehowa tɩŋnɩ nayʋ nɔɔyʋ yɔɔ nɛ ɛkalɩ Wiyaʋ Yozafaatɩ ɛ-lakasɩ kɩdɛkɛdɩsɩ yɔɔ, ɛlɛ ɛsamɩ-ɩ ɖɔɖɔ kɩbam mbʋ ɛlaba yɔ pɩ-yɔɔ
Nat 2:1-4, 8, 9, 12-14, 18-20—Yesu sam agbaa sakɩyɛ pʋcɔ nɛ ɛtasɩ-yɛ lɔŋ
Ye koobu nɔɔyʋ eheyi-ɖʋ se koobu lɛlʋ muli-i yaa ɛyɔɔdɩ ɛ-yɔɔ tɔm kɩdɛkɛdɩtʋ yɔ, ɛbɛ yɔɔ pɩwɛɣ ɖeu se ɖiheyi-i se ewolo nɛ ɛna koobu ɛnʋ nɛ ɛ nɛ ɩ pɔyɔɔdɩ pɩ-tɔm pa-taa pe-ɖeke?
Cɔnɩ ɖɔɖɔ Lev 19:17
Ɛzɩma ɖɩpɩzɩɣ nɛ ɖiseɣti koobu weyi pɩlakɩ-ɩ ɛzɩ pomuli-i yaa palabɩ-ɩ kɩwɛɛkɩm nabʋyʋ yɔ se ɛwɛɛnɩ pʋtɔdɩyɛ naʋ, suuɖu nɛ kpaɣʋ nɛ kpeɣu?
Mat 18:21, 22; Mak 11:25; Luk 6:36; Efɛ 4:32; Kol 3:13
Cɔnɩ ɖɔɖɔ Mat 6:14; 1Kɔ 6:1-8; 1Pɩ 3:8, 9
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
Mat 18:23-35—Yesu ha kɩɖaʋ kɩbaŋʋ nakʋyʋ ŋgʋ kɩwɩlɩɣ mbʋ pʋyɔɔ pɩcɛyaa kpem se ɖɩkpakɩɣ nɛ ɖikpeɣu yɔ
Alɩwaatʋ ndʋ ɖɩtasɩɣ nɔɔyʋ lɔŋ yɔ, ɛbɛ yɔɔ pɩtɩpɔzɩ se ɖɩca lɩm Yehowa paɣtʋ kila taa?
Ke 141:5; Adu 17:10; 2Kɔ 7:8-11
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
1Sa 15:23-29—Sɔɔndʋ taakpa nayʋ Samɩyɛɛlɩ se ɛtasɩ lɔŋ Wiyaʋ Sɔɔlɩ
1Aw 22:19-28—Nayʋ Mikayiya tikizi heyuu Wiyaʋ Ahaabɩ nɩŋgbaŋʋʋ hɔm tɔm, paa paɖʋwaɣ-ɩ sɔɔndʋ nɛ panazɩɣ-ɩ yɔ
Ɛzɩma ɖɩpɩzɩɣ nɛ ɖɩtasɩ nɔɔyʋ lɔŋ nɛ ɖɔ-lɔŋ tasʋʋ mbʋ pɩtaakɔnɩ-ɩ kaɖɛ fezuu taa?
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
Luk 22:31-34—Paa piiyiɣdi apostoloo Pɩyɛɛrɩ tam sakɩyɛ yɔ, Yesu wɩlaa se ɛtaɣ-ɩ liu se ɛkaɣ pɩzʋʋ nɛ ɛkpazɩ lalaa ɖoŋ
Flm 21—Apostoloo Pɔɔlɩ wɩlaa se ɛtaɣ liu se lɔŋ weyi ɛtasɩ Fileemɔɔ nɛ ɩlakɩ nɔɔ kʋɖʋmaɣ nɛ Ɛsɔ sɔɔlɩm yɔ, ɛkaɣ ɖɔm ɩ-yɔɔ