Ɛsɔ Kewiyaɣ tɔm susuu labɩ pɩnzɩ mɩnʋʋ!
1. Pɩcaɣ labʋ ɛzɩ pɩnzɩ mɩnʋʋ yɔ, ɛbɛ peseɣti Yehowa sɛyaa se pala?
1 “Ɩna Wiyaʋ ɖiɣni kewiyitu tɔɔʋ! Mɩkɛnɩ ɛ-tɔm susuyaa. Pʋyɔɔ lɛ isusi, isusi, isusi Wiyaʋ nɛ e-Kewiyaɣ pɔ-tɔm.” Koobu Rutherford yɔɔdʋʋ tɔm tʋnɛ se eseɣti Yehowa sɛyaa se posusi Kewiyaɣ tɔm ɛjaɖɛ kpeekpe yɔɔ yɔ, pɩlakɩ ɛzɩ pɩnzɩ mɩnʋʋ mbʋ yɔ. Nɛ ɖisusi tɔm ndʋ nɛ kpekpeka ɖɔɖɔ! Pɩtasɩ lɛ ɛzɩ kajalaɣ Krɩstʋ mba yɔ, ɖisusi Kewiyaɣ laŋhɛzɩyɛ tɔm ɛjaɖɛ yɔɔ “ɛyaa kpeekpe.” (Kol. 1:23) Pɩnzɩ mɩnʋʋ nzɩ sɩɖɛwa yɔ sɩ-taa, ɛbɛ ɖɩlaba nɛ ɖisusi Ɛsɔ Kewiyaɣ tɔm ndʋ? Ɛzɩma ɖɩpɩzɩɣ nɛ ɖɩwɛɛ ti-susuu yɔɔ alɩwaatʋ ndʋ Kewiyaɣ ŋga kɛwɛɛ nɛ kɔñɔtʋʋnɩ pɩnzɩ 100 yɔ?
2. Ɛzɩma tɩyɛ ɖa-takayɩsɩ yɔɔdɩ Ɛsɔ Kewiyaɣ tɔm sakɩyɛ?
2 Ðɩcɔnɩ ɖa-wayɩ: Ða-takayɩsɩ wɛʋ nɛ sɩyɔɔdʋʋ Ɛsɔ Kewiyaɣ tɔm yɔ, pɩlakɩ pɩnzɩ sakɩyɛ yɔ. Kpaɣnɩ pɩnaɣ 1939 lɛ, takayaɣ ŋga ɖɩkɩlɩɣ tʋmɩyɛ labɩnʋʋ yɔ payaɣ-kɛ se: Feŋuu Tilimiye Susuu Yehowa Kewiyaɣ Tɔm. Ðoŋ ɖoŋ lɛ, takayaɣ ŋga kɔyɔɔdʋʋ Kewiyaɣ nɛ mbʋ kakaɣ labʋ yɔ pɩ-tɔm. Réveillez-vous! takayaɣ ɖɔɖɔ ñɔyɔɔdʋʋ se Ɛsɔ Kewiyaɣ yeke pɩmʋnaa se ɛyaa ɩtaa liu. Sɔnɔ pɛɖɛzɩ takayɩsɩ nzɩ kʋnʋmɩŋ sakɩyɛ taa, nɛ patayɩ-sɩ ɛjaɖɛ kpeekpe yɔɔ.—Natʋ 14:6.
3. Nʋmɔŋ weyi yɔɔ patɩŋnaa nɛ posusi Kewiyaɣ tɔm?
3 Yehowa sɛyaa tɩŋnɩ nʋmɔŋ ndɩ ndɩ yɔɔ nɛ posusi Kewiyaɣ tɔm. Kajalaɣ pɩnzɩ taa lɛ, palabɩ tʋmɩyɛ nɛ lɔɔɖa wena ayɔɔdʋʋ yɔ, raadiyoowaa nɛ menziiniwaa mba pakpaɣ ɛyaa nɔsɩ pɔ-yɔɔ yɔ. Nʋmɔŋ ɛnɩ, ɩsɩnaa nɛ posusi laŋhɛzɩyɛ tɔm ɛyaa sakɩyɛ, alɩwaatʋ ndʋ tɔm susuyaa taaɖɔ yɔ. (Keɣa 18:5) Pakpaɣ tɔm sakɩyɛ nɛ paɖʋ ɖɛ-tɛ intɛrnɛɛtɩ lone yɔɔ se pɩsa nɛ posusi Kewiyaɣ tɔm ɛyaa miiliyɔɔwaa, halɩ pɩkpɛndɩnɩ ajɛɛ wena a-taa ɖɔ-tɔm tɩtalɩta yɔ.
4. Ŋgee nʋmɔŋ weyi ɩ-yɔɔ ɖɩtɩŋɩɣna nɛ ɖisusuu Kewiyaɣ tɔm?
4 Yehowa sɛyaa tɩŋnɩ ŋgee nʋmɔŋ nɩɩyɩ yɔɔ ɖɔɖɔ nɛ posusi Kewiyaɣ tɔm. Kpaɣ pɩnaɣ 1990 hɛkʋ taa lɛ, pɔsɔzɩ kpaɣ ɖɩɣa nɛ ŋwolo ɖɩɣa tʋmɩyɛ yɔɔ, nɛ posusuu tɔm ɖenɖe ɛyaa cakɩ nɛ pɛhɛzɩɣ yɔ, nɛ tʋma ɖɩlaɖɛ. Pitileɖi yɔ, papaɣzɩ tɛtʋ sɔsɔtʋ samaɣ taa ŋgee tɔm susuu ɛjaɖɛ kpeekpe yɔɔ. Pɩtasɩ lɛ, agbaa sakɩyɛ koobiya wɛɛ nɛ palakɩ samaɣ taa tɔm susuu tʋmɩyɛ po-kookasɩ taa. Pɔñɔɔzʋʋ taabɩlɩnaa nɛ kpatanaa ɖenɖe samaɣ wɛɛ yɔ, nɛ paɖʋʋ pɔ-yɔɔ takayɩsɩ. Ɛlɛ kpaɣ ɖɩɣa nɛ ŋwolo ɖɩɣa tʋmɩyɛ yɔɔ ɖɩkɩlɩɣ tɩŋnʋʋ nɛ ɖisusuu Kewiyaɣ tɔm.—Tʋma 5:42.
5. Wala wena ɖa-taa sakɩyɛ kaɣ wɛnʋʋ Teokrasɩ pɩnaɣ kɩfalaɣ taa?
5 Ðɩcɔnɩ ɖɛ-ɛzɩdaa: Ða-taa sakɩyɛ kaɣ paɣzʋʋ nʋmɔʋ lɩzʋʋ tʋmɩyɛ Teokrasɩ pɩnaɣ kɩfalaɣ ŋga kapaɣzɩɣ Septembre taa yɔ ka-taa. Ŋpɩzɩɣ nɛ ŋkpɛndɩ pɔ-yɔɔ? Ye ŋŋpɩzɩɣ yɔ, ñaɣ pana nɛ ŋla nʋmɔʋ lɩzʋʋ sɩnɩyʋ tʋmɩyɛ ɖoŋ ɖoŋ. Ɛlɛ paa ŋkɛ nʋmɔʋ lɩzɩyʋ yaa ŋtɩkɛ yɔ, pɩtʋʋ fɛyɩ se Yehowa kaɣ wazʋʋ pana wena ŋñakɩ se ŋsusi Kewiyaɣ tɔm yɔ, a-yɔɔ.—Mal. 3:10.
6. Ɛbɛ yɔɔ 2014 taa octobre fenaɣ kaɣ wɛʋ ŋgee?
6 Ɛsɔ Kewiyaɣ kaɣ wɛnʋʋ pɩnzɩ 100 octobre 2014 taa. Pʋyɔɔ lɛ, pɩmʋnɩ mbʋ se fenaɣ ŋga, kɛ-tɛ Feŋuu Tilimiye ɛñɩɣ niye Kewiyaɣ yɔɔ. Pɩtɩmʋna se ɖɩñaɣ pana nɛ ɖɩtayɩ takayaɣ ŋga paa weyi yaa we? Ye mbʋ, pɩcɛyaa se ɖa-taa paa anɩ lɛ, ɛwɛɛ Ɛsɔ Kewiyaɣ laŋhɛzɩyɛ tɔm susuu yɔɔ nɛ mba pɔsɔɔlaa yɔ panɩɩ nɛ ɖɩɖaŋ kpam mbʋ pɩkaɣ kɔm cee wayɩ yɔ.—Tʋma 8:12.