Ɛzɩma ɖɩpaɣzɩ kɛdaɣ yɔ
Ða nɛ ɛyaa ɖɩpaɣzɩ Bibl kpɛlɩkʋʋ kajalaɣ mazaɣ wiye novembre taa
“Mentendi-ŋ, na tɔm pɔzʋʋ pʋnɛ. [Kalɩ 1er novembre tɛ Feŋuu Tilimiye kɛdɛzaɣ hayʋʋ yɔɔ kajalaɣ tɔm pɔzʋʋ.] Ŋmaɣzɩɣ suwe tɔm tʋnɛ tɩ-yɔɔ? [Kalɩ tayʋʋ naalɛ mbʋ pɩwɛ tɔm pɔzʋʋ mbʋ pɩ-tɛɛ yɔ, nɛ paa pɩkɩlaa yɔ ɩtazɩ mayaɣ kʋɖʋmaɣ taa.] Ŋsɔɔlaa se manpɩsɩ mɔnkɔɔ nɛ ɖɩna mbʋ pɩ-yɔɔ Yesu kaalabɩ piti lakasɩ nzɩ nɛ ɛzɩma situkuuni-ɖʋ sɔnɔ yɔ?”
Feŋuu Tilimiye 1er Novembre
“Wiɖiyi ŋtɛm ña-tɩ pɔzʋʋ se ɛbɛ yɔɔ kɩdɛkɛdɩm sakɩyɛ lakɩ ɛjaɖɛ yɔɔ sɔnɔ mbʋ? [Ha-ɩ alɩwaatʋ nɛ ecosi] Bibl cosuu tɔm ndʋ tɩ-yɔɔ Natʋ 12:9 taa. [Kalɩ Natʋ 12:9.] Ɛlɛ kalɩtʋ 12 heyiɣ-ɖʋ lidaʋ tɔm natʋyʋ. [Kalɩ Natʋ 12:12.] Pɩkazɩ pazɩ Sataŋ lakasɩ kɩdɛkɛdɩsɩ sɩɣ tɩnaɣ. Tɔm ñʋʋ ‘pɩpɔzʋʋ se ɖise Sataŋ sɔɔndʋ na?’ wɩlɩɣ-ɖʋ ɛzɩma ɖɩpɩzɩɣ ɖɩkandɩyɩ ɖa-tɩ yɔɔ sɔnɔ nɛ Sataŋ ɛtaawɛɛnɩ ɖoŋ ɖɔ-yɔɔ yɔ nɛ mbʋ pɩkaɣ-ɩ talʋʋ cee wayɩ yɔ. Mʋ, ña-ñɩŋga yɔ.”
Réveillez-vous! Novembre
“Paa weyi ɛsɔɔlaa se ɛwɛɛ koboyaɣ taa, ɛlɛ ɛyaa sakɩyɛ wɛ ɛsɛñɩŋɩyɛ taa sɔnɔ. Ŋmaɣzɩɣ se ɛbɛ pɩzɩɣ pɩsɩnɩ ɛyʋ nɛ ehiɣ koboyaɣ? [Ha-ɩ alɩwaatʋ nɛ ecosi.] Ma lɛ, mɔnkɔm nɛ mana se Bibl pɩzɩɣna nɛ kɩsɩnɩ ɛyʋ nɛ ehiɣ koboyaɣ e-wezuu caɣʋ taa. Mentendi-ŋ na paɣtʋ kiɖe ɖɩnɛ. [Kalɩ Ebree 13:5.] Takayaɣ kanɛ kañɩkɩɣ niye Bibl paɣtʋ kila naanza wena apɩzɩɣ asɩnɩ ɛyʋ nɛ ehiɣ koboyaɣ siŋŋ yɔ, a-yɔɔ.”