Ɛzɩma ɖɩpaɣzɩ kɛdaɣ yɔ
Ða nɛ ɛyaa ɖɩpaɣzɩ Bibl kpɛlɩkʋʋ kajalaɣ mazaɣ wiye juillet taa
“Ŋmaɣzɩɣ se Ɛsɔ welisiɣ ɖa-adɩma na? Yaa ɛ-paa fɛyɩnɩ-yɛ?” Ha-ɩ alɩwaatʋ nɛ ecosi. Pʋwayɩ lɛ, ŋwɩlɩ-ɩ 1er Juillet tɛ Feŋuu Tilimiye kɛdɛzaɣ hɔɔlʋʋ nɛ ɩtazɩ tɔm ndʋ tɩwɛ kajalaɣ tɔm pɔzʋʋ tɛɛ yɔ tɩ-taa nɛ paa pɩkɩlaa yɔ, ɩtazɩ mayaɣ kʋyʋmaɣ taa. Ha-ɩ juillet fenaɣ takayɩsɩ nɛ ɩɖʋ alɩwaatʋ nɛ ŋpɩsɩ wiɖiyi nɛ ɩtazɩ tɔm pɔzʋʋ mbʋ pɩkɔŋ pʋwayɩ yɔ pɩ-taa.
Feŋuu Tilimiye 1er Juillet
“Ɛzɩma Ɛsɔ kɛ ɖoŋ tɩŋa tʋ yɔ, pɩ-yɔɔ lɛ, ŋŋmaɣzɩɣ se kɩdɛkɛdɩm mbʋ payɩ pɩlakɩ ɛjaɖɛ yɔɔ yɔ, ɛ-cɔlɔ pɩlɩɣnaa? [Ha-ɩ alɩwaatʋ nɛ ecosi. Pʋwayɩ lɛ, ŋkalɩ Yakubu 1:13.] Takayaɣ kanɛ kawɩlɩɣ mbʋ pʋyɔɔ kɩdɛkɛdɩm lakɩ ɛjaɖɛ yɔɔ nɛ mbʋ Ɛsɔ kaɣ labʋ nɛ kɩdɛkɛdɩm nɛ kʋñɔmɩŋ pasɩɩ tɩnaɣ yɔ.”
Réveillez-vous! Juillet
“Asɛyʋʋ pɩzɩɣ nɛ pɩkɔɔ paa weyi ɛ-yɔɔ: Kɛgbɛdɩsaɣ nakɛyɛ pɩzɩɣ nɛ pɩtalɩ-ɩ, ɛpɩzɩɣ nɛ ɛtɔlɩ kʋdɔŋ sɔsɔʋ nakʋyʋ yaa ɛ-ɛyʋ kʋsɔɔlʋ nɔɔyʋ pɩzɩɣ nɛ ɛsɩ. Alɩwaatʋ ndʋ asɛyɩŋ ɩnɩ ɩ-taa nakʋyʋ kɔŋ yɔ, ŋmaɣzɩɣ se pɩcɛyaa se ɛyʋ ɛñaɣ pana nɛ ɛwɛnɩ lɩmaɣza kɩbana na? [Ha-ɩ alɩwaatʋ nɛ ecosi.] Ɛyaa sakɩyɛ kɔm nɛ pana se ye asɛyʋʋ ɛkɔm ɛyʋ yɔɔ yɔ, Bibl pɩzɩɣ nɛ kɩsɩnɩ-ɩ. [Kalɩ Roma 15:4.] Takayaɣ kanɛ keheyiɣ-ɖʋ ɛzɩma Bibl pɩzɩɣ nɛ kɩsɩnɩ-ɖʋ alɩwaatʋ ndʋ asɛyʋʋ nakʋyʋ talɩ-ɖʋ yɔ.”