Ɛzɩma ɖɩpaɣzɩ kɛdaɣ yɔ
Ða nɛ ɛyaa ɖɩpaɣzɩ Bibl kpɛlɩkʋʋ kajalaɣ mazaɣ wiye octobre taa
“Ðɩwɛɛ nɛ ɖiwoki ɛyaa cɔlɔ se ɖa nɛ wɛ ɖɩla faawɩyɛ komina kɩbaŋʋ nakʋyʋ yɔɔ. Ŋmaɣzɩɣ se komina nakʋyʋ pɩzɩɣ nɛ kɩhɩzɩ ñam ñam lakasɩ, mulum nɛ kala lɛɛna wena acɛyɩɣ-ɖʋ sɔnɔ yɔ?” Ha-ɩ alɩwaatʋ nɛ ecosi. Tɔzɩ ɖɩɣdʋ adɩma wena Yesu wɩlɩ ɛ-tɔmkpɛlɩkɩyaa yɔ a-yɔɔ. Eheyi-wɛ se patɩmɩ nɛ Kewiyaɣ nakɛyɛ, yaa Ɛsɔ Kewiyaɣ, kɔɔ. Wɩlɩ-ɩ 1er octobre tɛ Feŋuu tilimiye kɛdɛzaɣ hɔɔlʋʋ nɛ ɩtazɩ tɔm ndʋ tɩwɛ kajalaɣ tɔm pɔzʋʋ tɛɛ yɔ tɩ-taa nɛ paa pɩkɩlaa yɔ, ɩtazɩ mayaɣ kʋyʋmaɣ taa. Ha-ɩ octobre fenaɣ takayɩsɩ nɛ ɩɖʋ alɩwaatʋ nɛ ŋpɩsɩ wiɖiyi nɛ ɩtazɩ tɔm pɔzʋʋ mbʋ pɩkɔŋ pʋwayɩ yɔ pɩ-taa.
Feŋuu tilimiye 1er octobre
“Ða nɛ ɖa-taabalaa ɖɩwɛɛ nɛ ɖɩlakɩ faawɩyɛ pɩlɩɩnɩ adɩma wena Yesu wɩlɩ ɛ-tɔmkpɛlɩkɩyaa yɔ a-yɔɔ. [Kalɩ Maatiyee 6:9, 10.] Wiɖiyi nɔɔyʋ tɛmɩ-ŋ heyuu mbʋ Ɛsɔ Kewiyaɣ ŋga kɛkɛnaa nɛ mbʋ pʋyɔɔ Yesu ñɩɣ kɔ-yɔɔ niye ɛ-tɔm wɩlʋʋ taa yɔɔ, pɩ-tɔm na? [Ha-ɩ alɩwaatʋ nɛ ecosi.] Takayaɣ kanɛ kawɩlɩɣ-ɖʋ tɔm ndʋ Bibl yɔɔdʋʋ Ɛsɔ Kewiyaɣ yɔɔ nɛ wazasɩ sɔsɔsɩ nzɩ kakaɣ kɔnʋʋ tɛtʋ yɔɔ yɔ, pɩ-tɔm.”
Réveillez-vous! Octobre
Ðɩwɛɛ nɛ ɖɩsɩɣnɩ ɛyaa se pana ɛzɩma papɩzɩɣ nɛ pocosi tɔm tʋnɛ tɩ-yɔɔ yɔ. [Wɩlɩ-ɩ Réveillez-vous! tɔm ñʋʋ.] Ŋmaɣzɩɣ se pɩcɛyaa se ɛyʋ ɛwɛɛnɩ liidiye sakɩyɛ pʋcɔ nɛ pɔtɔ se ehiɣ ɛ-tɩ wezuu taa? [Ha-ɩ alɩwaatʋ nɛ ecosi.] Cɔnɩ lɩmaɣza kɩbana wena Bibl tɔŋ se ɖɩwɛɛnɩ ñɩm yɔɔ yɔ. [Kalɩ Luka 12:15.] Takayaɣ kanɛ kawɩlɩɣ-ɖʋ se paa ŋtɩɩkɛ anɩ yɔ, ŋpɩzɩɣ nɛ ŋhiɣ ña-tɩ.”