Ɛzɩma ɖɩpaɣzɩ kɛdaɣ yɔ

Ða nɛ ɛyaa ɖɩpaɣzɩ Bibl kpɛlɩkʋʋ kajalaɣ mazaɣ wiye mars taa

“Ðɩkɔm se ɖiheyi-ŋ sɔnzɩ sɔsɔsɩ nzɩ pakaɣ labʋ 14 avril wiye yɔ, sɩ-tɔm. Puwiye pakaɣ Yesu sɩm yɔɔ tɔzʋʋ sɔnzɩ labʋ. Nabɛyɛ kaɣ labʋ sɔnzɩ nzɩ mbʋ pʋyɔɔ yɔ, pamaɣzɩɣ se pɩɩcɛyɩ siŋŋ se Yesu ɛsɩ ɖɔ-yɔɔ. Lalaa ñaasɩŋ se Yesu sɩm wazɩɣ we? Ŋmaɣzɩɣ se Yesu sɩm pɩzɩɣ nɛ pɩwazɩ ma nɛ ŋ?” Ha-ɩ alɩwaatʋ nɛ ecosi. Wɩlɩ-ɩ 1^er mars tɛ Feŋuu Tilimiye kɛdɛzaɣ hɔɔlʋʋ nɛ ña nɛ ɩ ɩtazɩ tɔm ndʋ tɩwɛ kajalaɣ tɔm pɔzʋʋ tɛɛ yɔ tɩ-taa nɛ paa pɩkɩlaa yɔ, ɩtazɩ mayaɣ kʋyʋmaɣ taa. Ha-ɩ mars fenaɣ takayɩsɩ nɛ ɩɖʋ alɩwaatʋ nɛ ŋpɩsɩ wiɖiyi nɛ ɩtazɩ tɔm pɔzʋʋ mbʋ pɩkɔŋ pʋwayɩ yɔ pɩ-taa.

Feŋuu Tilimiye 1^er mars

“Ɛyaa sakɩyɛ pɔzʋʋ pa-tɩ se ɛzɩ ɛbɛ yɔɔ Ɛsɔ ha nʋmɔʋ se mulum nɛ kʋñɔmɩŋ pɛwɛɛ ɛjaɖɛ kpeekpe yɔɔ mbʋ halɩ nɛ sɔnɔ? Ŋmaɣzɩɣ se Ɛsɔ paa fɛyɩnɩ-ɖʋ yaa ɛsɔɔlaa se ɖɩtɔɔ kʋñɔŋ na? [Ha-ɩ alɩwaatʋ nɛ ecosi nɛ pʋwayɩ lɛ, ŋkalɩ Yohanɛɛsɩ 3:16.] Paa ɛyaa sakɩyɛ ɩyɔɔdʋʋ Bibl mayaɣ kanɛ kɔ-tɔm ɖoŋ ɖoŋ yɔ, paasɩŋ ɛzɩma Ɛsɔ pɩyalʋ sɩm pɩzɩɣ nɛ pɩwazɩ-wɛ ɖeyi ɖeyi yɔ. Takayaɣ kanɛ kawɩlɩɣ ɛzɩma Yesu sɩm kaɣ yebu se mulum nɛ kʋñɔŋ pasɩɩ tɩnaɣ tɛtʋ yɔɔ yɔ.”

Réveillez-vous! Mars

“Ɛyaa wɛnɩ lɩmaɣza ndɩ ndɩ liidiye yɔɔ. Nabɛyɛ maɣzɩɣ se liidiye kɛnɩ kʋñɔmɩŋ kpeekpe liɖe. Lalaa ñamaɣzɩɣ se liidiye pɩzɩɣ nɛ ɖɩha-ɖʋ pɛɛyɛ nɛ koboyaɣ. Ña yɔ, suwe ŋmaɣzɩɣ? [Ha-ɩ alɩwaatʋ nɛ ecosi nɛ pʋwayɩ lɛ ŋkalɩ 1 Timootee 6:10.] Ñʋʋ ŋgʋ kɩwɛ takayaɣ kanɛ kɔ-hɔɔlʋʋ 8 yɔɔ yɔ, kɩwɩlɩɣ lɩmaɣza kɩbana wena Bibl yɔɔdʋʋ se ɖɩwɛnɩ liidiye yɔɔ yɔ.”