16 Février kpɩtaʋ taa ɖʋtʋ

Hendu 80 nɛ adɩma

Ɛgbɛyɛ taa Bibl kpɛlɩkʋʋ:

lv h. 158-159 yɔɔ aɖakaɣ (C. 30)

Ɛsɔ sɛtʋ tɛ teokrasɩ sukuli:

Bibl kalʋʋ: Tɔm Hʋyaa 15-18 (C. 8)

No. 1: Tɔm Hʋyaa 16:13-24 (C. 3 yaa pɩtaatalɩ mbʋ)

No. 2: Ɛzɩ Ɛsɔ sɛtʋ agbaa tɩŋa wɛ ɖeu na?​—fg ñʋʋ 13 § 1-2 (C. 5)

No. 3: Ruti kaakɛ halʋ kɩbanʋ siŋŋ​—my kɛdaɣ 51 (C. 5)

Ɛsɔ sɛtʋ kediɣzaɣ:

Fenaɣ taa tɔm ñʋʋ: ‘Ðikpeetini kɩbandʋ labʋ’!​—Tiiti 2:14.

Hendu 92

C. 15: Ñɔɔzɩ ña-tɩ nɛ ŋsusi Laŋhɛzɩyɛ Tɔm nɛ kpekpeka. Tɔm taa tazʋʋ. Ye ɖɩñɩnɩɣ se ɖɩñɔɔzɩ ɖa-tɩ pʋcɔ nɛ ɖɩɖɛɛ tɔm susuu yɔ, ɛbɛ yɔɔ pɩcɛyaa se ɖɩcalɩnɩ Yehowa tɩmʋʋ? (Keɣa 142:10; Tʋma 4:31) Pɩtasɩnɩ adɩma lɛ, ɛbɛ ɖɔɖɔ pʋpɔzaa se ɖɩla? (Ɛsd. 7:10) Ðɩtɛŋ ɖa-tɩ ñɔɔzʋʋ fezuu taa lɛ, ɛbɛ nɛ ɛbɛ pʋmʋnaa se ɖɩla nɛ ɖɩñɔɔzɩ ɖɔ-tɔm susuu huyuu nɛ ɖɩtɩlɩ takayɩsɩ nzɩ sɩwɛ kɩ-taa yɔ? Ye ɖɩñɔɔzɩ ɖa-tɩ camɩyɛ yɔ, wazasɩ nzɩ ɖihikiɣ? (Cɔnɩ 15 juillet 2008 tɛ Feŋuu Tilimiye, hɔɔlʋʋ 10, tayʋʋ 9.) Ɛzɩma ŋñɔɔzʋʋ ña-tɩ pʋcɔ nɛ ŋwoki tɔm susuu? Yele nɛ koobu nɔɔyʋ la la ŋwɩlɩ nakʋyʋ nɛ ɛwɩlɩ ɛzɩma ɛñɔɔzʋʋ ɛ-tɩ nɛ ɛɖaɣnɩɣ wiluu traktɩwaa, fenaɣ fenaɣ takayɩsɩ nɛ hatʋ cabɩ takayɩsɩ nzɩ ɛkaɣ labɩnʋʋ tʋmɩyɛ yɔ, sɩ-taa. Ɛñɔɔzɩ ɖɔɖɔ e-huyuu camɩyɛ nɛ ɛcɔnɩ nɛ ɛna se mbʋ ɛkaɣ mabɩnʋʋ videowaa yɔ, pɩcaɣ camɩyɛ na. Heyi koobiya se pɩcɛyaa se paa weyi lɛ, ɛñɔɔzɩ ɛ-tɩ camɩyɛ pʋcɔ nɛ ɛɖɛɛ tɔm susuu.​—2 Tim. 3:17.

C. 15: “Ɛzɩ Yehowa nɛ Yesu yɔ, ŋkaɣ wɛʋ kpekpeka Krɩstʋ sɩm yɔɔ tɔzʋʋ alɩwaatʋ taa?” Tɔm pɔzʋʋ nɛ cosuu. Yele nɛ pɛcɛlɩ Krɩstʋ sɩm yɔɔ tɔzʋʋ yaʋ takayɩsɩ ɛyaa mba pɛwɛ kpaaŋ taa yɔ pa-tɩŋa nɛ ɩtazɩ sɩ-taa. Yele nɛ patɩŋnɩ tɔm ndʋ pama hɔɔlʋʋ 4 yɔɔ se tɩsɩnɩ-ɖʋ nɛ ɖɩpaɣzɩ faawɩyɛ labʋ yɔ, tɩ-yɔɔ nɛ pala la ŋwɩlɩ nakʋyʋ pazɩ.

Hendu 30 nɛ adɩma