Ðɩwɛɛ niye tɔm susuu taa nɛ pɩkɩlɩ: Ðɩsɩnɩ ɖe-Bibl kpɛlɩkɩyaa nɛ pɛwɛɛnɩ kpɛlɩkʋʋ ɖʋtʋ kɩbandʋ

Ɛbɛ yɔɔ pɩcɛyaa? Pɩtɩkɛ Bibl kajalaɣ wɩlɩtʋ kpɛlɩkʋʋ ɖeke pɩzɩɣnɩ pɩsɩnɩ ɖe-Bibl kpɛlɩkɩyaa nɛ powobini ɛzɩdaa nɛ papɩɩ fezuu taa. Pɩwɛɛ ɖɔɖɔ se pɛkpɛlɩkɩ Bibl wɩlɩtʋ ndʋ tɩwɛ cukaŋ yɔ nɛ pakpazɩ pe-tisuu ɖoŋ. (Ebr. 5:12-6:1) Kpɛlɩkʋʋ pɔzʋʋ pana ñaɣʋ siŋŋ. Pɩpɩzɩɣ nɛ pɩpɔzɩ se ɖɩñɩnɩ nɔɔ kʋɖʋmaɣ ŋga kɛwɛ tɔm kɩfatʋ ndʋ ɖɩkpɛlɩkɩɣ yɔ nɛ ndʋ ɖɩɩtɛm sɩm yɔ, pɛ-hɛkʋ taa nɛ ɖɩna ɛzɩma tɩpɩzɩɣ nɛ tɩwazɩ-ɖʋ yɔ. (Adu. 2:1-6) Ye Bibl kpɛlɩkɩyʋ ɛkpɛlɩkɩɣ ɛ-tɩ yɔɔ yɔ, pɩsɩɣnɩ-ɩ nɛ ɛtɩŋnɩ ɖa-takayɩsɩ yɔɔ nɛ ecosi Bibl taa tɔm pɔzʋʋ yɔɔ. Ye pañakɩ pana siŋŋ se pɔɖɔ ndʋ pɛkpɛlɩkɩɣ yɔ tɩ-yɔɔ yɔ, pɩsɩɣnɩ-wɛ nɛ pɔɖɔkɩ pa-tɩ nazɩm mbʋ pakaɣ katɩɣ yɔ, pɩ-taa.​—Luka 6:47, 48.