CAƔ WEZUU ƐZƖ KRƖSTƲ TƲ YƆ
Evebiya nɛ pɛlaa: Ɩtaala feendu nɛ “nʋmɔʋ yɛlɛlɛ” ŋgʋ pɩha-mɩ yɔ kɩ-taa ɖɔm
Ðɩtɩtɩlɩ labʋ yɔ, ɖɩpɩzɩɣ nɛ ɖɩmaɣzɩ se ɖɩwɛɣnɩ ɖe-evebitu ɖoŋ mbʋ nɛ ‘kʋñɔŋ kɩyakɩŋ’ weyi ɩtalɩɣ akpadɩyaa Sataŋ ɛjaɖɛ ɖɩnɛ ɖɩ-taa yɔ, ɩɩkaɣ-ɖʋ talʋʋ wiɖiyi. (Ekl 12:1) Ye mbʋ, ye ŋkɛ evebu yaa pɛlɛ yɔ, ŋpɩzɩɣ nɛ ŋɖʋ ña-tɩ fezuu taa kaɖʋsɩ nɛ ŋkpaɣ ño-ɖoŋ nɛ ña-alɩwaatʋ nɛ ŋlabɩnɩ alɩwaatʋ tɩŋa Ɛsɔ sɛtʋ tʋmɩyɛ na, yaa ŋcakɩ yem se alɩwaatʋ wɛɛ?
Paa ɖɩkɛ pɩɣa evelaɣ yɔ, ‘mbʋ ɖɩtɩɖʋna yɔ pɩpɩzɩɣ pɩtalɩ-ɖʋ.’ (Ekl 9:11; nwt) “Ɩɩsɩŋ mbʋ ɩkaɣ pɩsʋʋ cee yɔ.” (Yak 4:14) Ye mbʋ, lɛɛlɛɛyɔ pɩwɛɛ se ŋkʋyɩ kpaka nɛ ŋɖʋ ña-tɩ fezuu taa kaɖʋsɩ nɛ ŋñaɣ pana nɛ ŋtalɩ-sɩ. Talaa feendu nɛ fezuu taa “nʋmɔʋ yɛlɛlɛ” ŋgʋ kɩtʋlɩ ñɛ-ɛzɩdaa yɔ kɩ-taa ɖɔm. (1Kɔr 16:9) Ye ŋlabɩ mbʋ yɔ, ŋŋkaɣ kpiɖuu kaaʋ.
Fezuu taa kaɖʋsɩ nzɩ ŋpɩzɩɣ ŋɖʋ ña-tɩ yɔ, sɩ-taa nasɩyɩ yɔ:
Tɔm susuu kʋnʋŋ nakʋyʋ taa
Nʋmɔʋ lɩzʋʋ tʋmɩyɛ labʋ
Teokrasɩ sukulinaa wobu
Kewiyaɣ kpaamɩŋ maʋ
Betɛɛlɩ tʋmɩyɛ labʋ
Ageeta yɔɔ cɔnɩyaa tʋmɩyɛ labʋ