Susi tɔm kɩbandʋ ndʋ tɩwɩlɩɣ se ɛjaɖɛ nɖɩ ɖɩkɩlɩ ɖeu yɔ ɖɩñɔtaa yɔ!

Novembre fenaɣ taa, ɖɩkaɣ ñaɣʋ pana siŋŋ nɛ ɖisusi tɔm kɩbandʋ ndʋ tɩwɩlɩɣ se ɛjaɖɛ nɖɩ ɖɩkɩlɩ ɖeu yɔ ɖɩñɔtaa yɔ. (Keɣa 36:10, 11; Nat 21:3-5) Ŋpɩzɩɣ nɛ ŋla lɛɣzɩtʋ nɛ ŋla ɖʋtʋ camɩyɛ nɛ ŋsusi tɔm sakɩyɛ fenaɣ ŋga ka-taa. Ye ŋsɔɔlaa se ŋla nʋmɔʋ lɩzʋʋ sɩnɩyʋ tʋmɩyɛ fenaɣ ŋga ka-taa yɔ, ŋpɩzɩɣ ŋlɩzɩ se ŋsusuu tɔm ñɩɣtʋ 30 yaa 50.

Ñɔɔzɩ ña-tɩ nɛ ŋkalɩ ɛyaa sakɩyɛ mayaɣ nakɛyɛ ŋga kɔyɔɔdʋʋ ɛjaɖɛ kɩfaɖɛ tɔm yɔ. Ŋŋñɩnɩɣ mayaɣ ŋga ŋpɩzɩɣ nɛ ŋkalɩ yɔ lɛ, maɣzɩ mbʋ pɩpɩzɩɣ nɛ pɩkɛdɩnɩ mi-egeetiye taa ɛyaa yɔ pɩ-yɔɔ. Ye ŋcalɩ katʋʋ nɔɔyʋ nɛ ɛwɩlɩ se pɩkɛdɩnɩ-ɩ yɔ, ha-ɩ Feŋuu Tilimiye No. 2 2021. Pʋwayɩ lɛ, ŋpɩsɩ nɛ ŋna-ɩ kpɛdɛyɛ nɛ ŋñaɣ pana nɛ ŋtɩŋnɩ Nɩɩ wezuu leleŋ tam! hatʋ cabɩ takayaɣ yɔɔ nɛ ña nɛ ɩ ɩpaɣzɩ kpɛlɩkʋʋ Bibl. Pɩkaɣ labʋ ɖeu kpem se ɖɩla sakɩyɛ “tɔm kɩbandʋ” susuu taa fenaɣ ŋga ka-taa!—Iza 52:7.

CƆNƖ HENDU TƐ VIDEO ƐJAÐƐ KƖFAÐƐ NÐƖ ÐƖKAƔ KƆM YƆ, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• Cee wayɩ kɩbaŋʋ ŋgʋ yɔɔ halɩbɩɣa cikpelaɣ wɛɛ nɛ kamaɣzɩɣ?

• Kɩbam mbʋ pɩkaɣ wɛʋ ɛjaɖɛ kɩfaɖɛ taa yɔ, pɩ-taa mbʋ ŋɖaŋ kpam?

• Ɛzɩma tɩyɛ cee wayɩ lidaʋ kɩbaŋʋ ŋgʋ ɖɩwɛnɩ yɔ, kɩ-yɔɔ maɣzʋʋ sɩɣnɩ-ɖʋ nɛ ɖɩla sakɩyɛ tɔm susuu taa novembre fenaɣ taa?—Lk 6:45.