Septembre fenaɣ taa Ɛsɔ kewiyaɣ yɔɔ ŋgee tɔm susuu!

Septembre fenaɣ taa ɖɩkaɣ ñaɣʋ pana siŋŋ nɛ ɖɩsɩnɩ ɛyaa nɛ pana se Ɛsɔ Kewiyaɣ ɖeke pɩzɩɣna nɛ kasɩnɩ ɛyaa nɛ pɔcɔnɩ pa-kɩcɛyɩm ɖeɖe. (Mat 24:14) Ɛzɩma ŋpɩzɩɣ nɛ ŋɖʋ nesi tʋmɩyɛ nɖɩ? La mbʋ payɩ ŋpɩzɩɣ yɔ nɛ ŋkalɩ ɛyaa masɩ nzɩ sɩyɔɔdʋʋ Ɛsɔ Kewiyaɣ tɔm yɔ fenaɣ ŋga ka-taa. Ye nɔɔyʋ ɛwɩlaa se pɩkɛdɩnɩ-ɩ yɔ, ha-ɩ Feŋuu Tilimiye No. 2 2020. Pʋwayɩ lɛ, ŋñaɣ pana nɛ ŋpɩsɩ nɛ ŋna-ɩ nɛ ye pɩsaŋ yɔ ŋha-ɩ Nɩɩ wezuu leleŋ tam! hatʋ cabɩ takayaɣ nɛ ña nɛ ɩ ɩpaɣzɩ Bibl kpɛlɩkʋʋ. Mba pakaɣ labʋ nʋmɔʋ lɩzʋʋ sɩnɩyʋ tʋmɩyɛ septembre fenaɣ taa yɔ, papɩzɩɣ nɛ palɩzɩ se pahaɣ ñɩɣtʋ 15 yaa 30.

Pɩkazɩ pazɩ Ɛsɔ Kewiyaɣ kaɣ ɖɩzʋʋ kominawaa mba payɩ pakaɖɩɣnɩ-kɛ yɔ. (Dan 2: 44; 1Kɔ 15:24, 25) Ðɩla ɖo-ɖoŋ ɖeɖe nɛ ɖɩɖʋ nesi ŋgee tɔm susuu tʋmɩyɛ nɖɩ nɛ ɖɩtɩŋnɩ pɩ-yɔɔ nɛ ɖɩwɩlɩ se ɖɩwɛ Yehowa nɛ e-Kewiyaɣ pɔ-hɔɔlʋʋ yɔɔ!