Taapɩtɩ Yehowa sɔɔlɩm siɣsiɣ ñɩmbʋ yɔɔ

Ŋmʋ ñɩm siŋŋ Yehowa ɛsɩndaa. (Iza 43:4) Ɛhɔmɩ-ŋ nɛ ŋñɔtɩnɩ-ɩ nɛ ŋsʋʋ ɛ-ɛgbɛyɛ taa. Ŋkɛ Yehowa pʋyʋ mbʋ pʋyɔɔ yɔ, ŋha-ɩ ña-tɩ nɛ ŋyele nɛ pamɩyɩsɩ-ŋ lɩm. Ŋmʋ ñɩm ɛ-ɛsɩndaa, pʋyɔɔ lɛ ɛkaɣ cɔnʋʋ ñɔ-yɔɔ camɩyɛ halɩ pɩkpɛndɩnɩ kaɖɛ alɩwaatʋ taa. Ɛkaɣ tɩŋnʋʋ ɛ-ɛgbɛyɛ yɔɔ nɛ ɛwɩlɩ-ŋ sɔɔlɩm siɣsiɣ ñɩmbʋ.—Keɣa 24:10.

Ye ɖɩkpakɩɣ alɩwaatʋ nɛ ɖɩmaɣzɩɣ mbʋ Yehowa ɛgbɛyɛ lakɩ alɩwaatʋ ndʋ asɛyɩŋ lakɩ yɔ pɩ-yɔɔ yɔ, pɩsɩɣnɩ-ɖʋ nɛ ɖɩwɛɛnɩ ɛsɩmɩyɛ Yehowa sɔɔlɩm siɣsiɣ ñɩmbʋ yɔɔ nɛ pɩkpaɖɩ.

CƆNƖ VIDEO PƖNAƔ 2019 TAA ÐƲTƲ YƆƆ CƆNƖYAA KƆƆMIITE TƐ AKƆNTA, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• 

  Ɛzɩma Ðʋtʋ yɔɔ cɔnɩyaa kɔɔmiite sɩɣnɩ ɛjaɖɛ kpeekpe yɔɔ ɛgbɛyɛ pilinzi se sɩñɔɔzɩ sɩ-tɩ nɛ sɩɖaŋ asɛyʋʋ alɩwaatʋ?

• 

  Alɩwaatʋ ndʋ asɛyɩŋ nɩɩyɩ labɩ Ɛndoneezii nɛ Naajeeriya yɔ, ɛzɩma Yehowa ɛgbɛyɛ sɩnɩ koobiya se patɩlɩ mbʋ pala yɔ, nɛ ɛzɩma paɖʋ nesi mba asɛyɩŋ ɛnɩ etukunaa yɔ?

• 

  Ɛbɛ kɩlɩ-ŋ kɛdɩnʋʋ mbʋ payɩ Yehowa ɛgbɛyɛ labɩ Covid-19 alɩwaatʋ taa se ɖɩsɩnɩ koobiya yɔ pɩ-taa?