CAƔ WEZUU ƐZƖ KRƖSTƲ TƲ YƆ
Cɛyɩsɩ tisuu mbʋ ŋwɛnɩ Ɛsɔtɔm yɔɔ yɔ
Ɛsɔtɔm pɩzɩɣ nɛ tɩñɔɔzɩ ɖe-wezuu caɣʋ. (Ebr 4:12) Ɛlɛ pʋcɔ nɛ tɩ-taa paɣtʋ, paɣtʋ kila nɛ lɔŋ tasʋʋ pawazɩ-ɖʋ lɛ, pɩpɔzʋʋ se ɖa-taa ɛtɛ se tɩkɛ «Ɛsɔ tɔm». (1Te 2:13) Ɛzɩma ɖɩpɩzɩɣ nɛ ɖɩcɛyɩsɩ tisuu mbʋ ɖɩwɛnɩ Bibl yɔɔ yɔ?
Kalɩ Bibl hɔɔlʋʋ nakʋyʋ paa evemiye nɖɩ. Ŋŋkalɩɣ lɛ, ñɩnɩ mbʋ pɩwɩlɩɣ se Yehowa cɔlɔ kɩlɩnaa yɔ. Kɩɖaʋ nakʋyʋ yɔ: Tazɩ lɔŋ tasʋʋ mbʋ pɩwɛ Aduwa takayaɣ taa yɔ pɩ-taa nɛ ŋmaɣzɩ nɛ ŋna ɛzɩma lɔŋ tasʋʋ mbʋ pɩ-alɩwaatʋ ɛɛɖɛɣ kpa yɔ.—Adu 13:20; 14:30.
La ɖʋtʋ camɩyɛ nɛ ŋpaɣzɩ Bibl kpɛlɩkʋʋ. Kpɛlɩkɩ nɛ ŋtɩlɩ mbʋ mbʋ pɩwɩlɩɣ se Bibl lɩnɩ Ɛsɔ cɔlɔ yɔ. Wolo Guide de recherche pour les Témoins de Jéhovah hɔɔlʋʋ ŋgʋ payaɣ se Thèmes yɔ kɩ-taa, pʋwayɩ lɛ ŋsʋʋ «la Bible» taa nɛ ŋñɩnɩ hɔɔlʋʋ cikpeluu «Inspirée de Dieu». Ye ŋtazɩ Traduction du monde nouveau tɛ Appendice A3 taa yɔ, pɩsɩɣnɩ-ŋ ɖɔɖɔ nɛ ŋcɛyɩsɩ ñe-tisuu nɛ ña-taa tɛ se Bibl taa tɔm tɩlɛɣzɩ.
CƆNƖ VIDEO MBƲ PƲYƆƆ ÐƖWƐNƖ TISUU ƐSƆ TƆM YƆƆ YƆ , NƐ PƲWAYƖ LƐ ŊCOSI TƆM TƲNƐ TƖ-YƆƆ:
Ɛzɩma templo koloŋa ŋga pana Karnak, Ejipiti ɛjaɖɛ taa yɔ, kawɩlɩɣ se ɖɩpɩzɩɣ nɛ ɖɩtaa Bibl taa tɔm liu?
Ɛzɩma ɖɩlaba nɛ ɖɩna se tɔm ndʋ paama Bibl taa kiɖe tɛɛ yɔ, tɩtɩlɛɣzɩ?
Ɛyaa ñaɣ pana se paɖɩzɩ Bibl ɛlɛ patɩpɩzɩ. Ɛzɩma pɩwɩlɩɣ se kɩkɛ Ɛsɔ tɔm?—Kalɩ Izaayii 40:8